ფიზიკა-მათემატიკური პროფილის №32 საშუალო სკოლის მოწაფის დედის განცხადების საფუძველზე აღიძრა სისხლის სამართლის საქმე 35 წლის ბიოლოგიის მასწავლებლის, ეკატერინე სავინოვას მიმართ.

როგორც ცნობილი გახდა, ასტრახანის მუნიციპალური საბიუჯეტო საგანმანათლებლო დაწესებულების მოსწავლეები და თანამშრომლები რამდენიმე დღის განმავლობაში განიხილავდნენ ვიდეოს, სადაც ასახულია 35 წლის მასწავლებელსა და 15 წლის მოწაფეს შორის სექსუალური კავშირი, რომელიც სასწავლო კაბინეტის კართან ხდება.ვიდეო ერთ-ერთმა მოწაფემ ჩუმად გადაიღო და Whatsapp მესენჯერით მოწაფეებში გაავრცელა, აქამდე არავინ იცოდა მასწავლებელსა და სკოლის მოწაფე კავკასიელ ბიჭს შორის(სახელი არ ხმაურდება)სექსუალური კავშირის შესახებ. ვიდეოს ავტორმაც ანონიმურად დარჩენა ისურვა.

სკანდალის მთავარი გმირი აღმოჩნდა ბიოლოგიის მასწავლებელი, პედაგოგიური მეცნიერებების კანდიდატი, "ასტრახანი-2019"-ის წლის საუკეთესო მასწავლებელი, გამარჯვებული ნომინაციაში "მასწავლებელი-დრამატურგი"ეკატერინე სავინოვა.

25 მაისს, კიროვსკის საოლქო სასამართლომ სავინოვას 2.5 წლით პირობითი პატიმრობა მიუსაჯა. ამასთანავე მას მომდევნო ხუთი წლის განმავლობაში სკოლებში მუშაობა ეკრძალება, თუმცა შეუნარჩუნდა კოლეჯში ან უნივერსიტეტში მუშაობის უფლება, მაგრამ ძალზე საეჭვოა, ასეთი სკანდალის შემდეგ ვინმემ სამსახურში მიიღოს.

სავინოვას ქმარ-შვილი არ ჰყავდა. ურთიერთობა გასული წლის ნოემბერში დაიწყო.

”მან არ აცდუნა და არც აიძულა”, - ამბობს სავინოვას დაქალი. - თავად ბიჭი დასდევდა, ჩუქნიდა ყვავილებს. სიმპატიურია, წვერებით, გამოიყურება როგორც 19-20 წლის ბიჭი. თავიდან მან ეს ხუმრობად ჩათვალა, შემდეგ უკვე თავი ვეღარ შეიკავა. მიუხედავად იმისა, რომ მშვენივრად ესმოდა-ასეთი საქციელი დანაშაული იყო. მაგრამ გულს უბრძანებ? მას სხვა პირადი ცხოვრება არ ჰქონდა, მხოლოდ სამუშაო და ეს ახალგაზრდა, მგზნებარე ბიჭი"

სექს-სკანდალის შემდეგ, ბიჭი სხვა სკოლაში გადაიყვანეს.ამის გარდა, როგორც «Астрахань FM» იუწყება, თანამდებობიდან გაათავისუფლეს სკოლის დირექტორი, ლილია გოროხოვა, რომელიც 24 წელი ხელმძღვანელობდა სასწავლო დაწესებულებას.