ამ კერძის მომზადება სცადეთ და ის ოჯახის წევრებს აუცილებლად მოეწონებათ. ნოყიერი და გემრიელი კერძის მოსამზადებლად, თქვენ შემდეგი ინგრედიენტები დაგჭირდებათ.

პროდუქტების სია

250 გრ წითელი ოსპი

1 ქილა - 400 გრ დაკონსერვებული პომიდორი

2-3 კარტოფილი

250 გრ ისპანახი

1 შეფუთვა წიწიბურას იოგურტი. შეგიძლიათ ნებისმიერი სხვა ნატურალური იოგურტი გამოიყენოთ.

1 ხახვი

რამდენიმე კბილი ნიორი

2 სმ ზომის კოჭის ფესვი

1 საშუალო ზომის ჩილეს წიწაკა

რამდენიმე სუფრის კოვზი ზეითუნის ზეთი

25 გრ კარაქი

დაფქული სანელებლები: ილი, ქინძი, მუსკატის კაკალი და დარიჩინი (თითოეული მწიკვი რაოდენობით)

მარილი გემოვნებით

1 ნაჭერი ლიმონი თითოეულ პორციაზე

ლობიო თუ ოსპი?

ოსპი საკმაოდ სპეციფიკური გემოს პროდუქტია, რომელიც ყველას არ უყვარს. თქვენ შეგიძლიათ ლობიოთი ჩაანაცვლოთ. წვნიანი ასე არც სარგებელს დაკარგავთ და არც გემოს.

თუ ლობიოს გამოყენება გსურთ, ღამით ცივ წყალში ჩაალბეთ, სანამ წვნიანს მოამზადებთ. პროპორციები დაიცავით.

მომზადება:

პროპორციები ერთ თეფშზეა გათვლილი.

ხახვი წვრილად დაჭერით და ზეითუნის ზეთის და კარაქის ნარევში შეწვით. სანამ ხახვი იწვება, ნიორი გაწმინდეთ და დაჭერით, ხახვს დაუმატეთ. ამის შემდეგ დაქუცმაცებული კოჭა და ჩილეს წიწაკა დაუმატეთ.

5 წუთის შემდეგ დანარჩენი სანელებლები დაუმატეთ, კარგად აურიეთ და დაბალ ცეცხლზე 5 წუთით კვლავ შეწვით.

ამის შემდეგ გარეცხილი ოსპი ან ლობიო, პომიდორი თავის წვენთან ერთად და დაჭრილი კარტოფილი დაუმატეთ. წყალი დაასხით - ამ რაოდენობაზე 800 მლ სუფთა წყალი გამოიყენეთ.

ცეცხლს მოუმატეთ. როგორც კი წყალი ადუღდება, ცეცხლს დაუწიეთ და ნახევარი საათით ხარშეთ.

ამ დროში ისპანახი გარეცხეთ და მსხვილად დაჭერით. ქვაბში მოათავსეთ და დაელოდეთ, სანამ შემადგენლობა არ ადუღდება.

წვნიანი იოგურტით და ლიმონის ნაჭრით მორთეთ.

ასევე დაგაინტერესებთ:

ჩემს კარტოფილის წვნიანს ყველა ოქროს კერძს უწოდებს

კვერცხი მექსიკურად წითელი ლობიოთი: ნოყიერი კერძი ხორცის გარეშე

ყველაზე გემრიელი სოკოს ნაღების წვნიანი - ზუსტი რეცეპტი

გასაოცარი წიწიბურა ახლებურად - ასე გემრიელად ჯერ კიდევ არ მოგიმზადებიათ

ჯანმრთელობა, სიმსუბუქე, სილამაზე - 3 სახის წვნიანი, რომელიც თქვენს ჯანმრთელობას დაიცავს