კორონავირუსი მთელ მსოფლიოში - როგორი სიტუაციაა დღეს სხვადასხვა ქვეყნებში, სადაც ვირუსმა შეაღწია!

საზოგადოება

2020, 27 თებერვალი, 13:32

ბოლო 24 საათის განმავლობაში კორონავირუსი მსოფლიოს 3 ქვეყანაში კიდევ დაფიქსირდა. ერთ-ერთი შემთხვევა სამწუხაროდ საქართველოშიც დაფიქსირდა და ჩვენი ქვეყანა მწვანზე ზონაში აღარ იმყოფება. ვირუსი დადადასტურდა ასევე მაკედონიასა და ბრაზილიაშიც.

euronews და reuters -ის დღიური შეჯამება კორონავირუსის შესახებ!

ლიბანი - ჯანდაცვის მინისტრის განცხადებით ქვეყანაში უკვე 2 ინფიცირებულია.

საბერძნეთი - 38 წლის ქალი, რომელიც იტალიიდან დაბრუნდა კორონავირუსი დაუდგინდა. როგორც ცნობილია, ამ ეტაპზე მის ჯანმრთელობას საფრთხე არ ემუქრება.

სამხრეთ ამერიკა - პირველი შემთხვევა დაფიქსირდა სამხრეთ ამერიკაშიც, კონტინეტზე, სადაც კორონავირუსის გავრცელების შანსი ყველაზე ნაკლებად იყო. ბრაზილიელი ქალი იტალიაში იმყოფებოდა და სან პაულოს ინფექციური კლინიკაში ოფიციალურად დაუდგინდა კორონავირუსი.

საფრანგეთი - რთული სიტუაციაა საფრანგეთშიც. კორონავირუსით გარდაიცვალა უკვე მეორე ადამიანი. დაინფიცირებულია კიდევ 17 ადამიანი.

იტალია - ევროპაში ვირუსმა ყველაზე ძლიერად ამ ქვეყანაში მოიკიდა ფეხი. იტალიაში რთული სიტუაციაა და ზუსტი ინფრომაცია ამ წუთისთვის არაა. ადგილობრივი პრესის განმარტებით, ქვეყანაში კორონავირუსით გარდაცვლილთა რიცხვი უკვე 11 -ია.

ირანი - გარდაცვლილთა ოფიციალური რაოდენობა 19 -ია, ხოლო ინფიცირებულია 140-ზე მეტი ადამიანი. არაოფიციალური ინფორმაციით, ეს ციფრები რეალობის მხოლოდ 1/5 -ია.

სამხრეთ კორეა - კორონავირუსი საშინელი ტემპით ვრცელდება სამხრეთ კორეაშიც, სადაც ყოველდღე ინფიცირებულთა რიცხვი მატულობს. როგორც ცნობილია ერთ ამერიკელ ჯარისკაცს დაუდგინდა ვირუსი. ეს ჯარისკაცი სამხრეთ კორეაში მსახურობს.

ბაჰრეინი - ბოლო 3 დღეში ბაჰრეინში კორონავირუსით დაინფიცირებულთა რაოდენობამ 26-ს მიაღწია. ჯერ-ჯერობით 26-ვე ინფიცირებულის მდგომარეობა სტაბილურია.

ქუვეითი - ინფიცირებულია 2 მოქალაქე. ქვეყანამ საზღვრები ჩაკეტა ჩინეთთან, იტალიასთან, ირანთან, იაპონიასთან, ტაილანდთან, სინგაპურთან და ჰონგ კონკგთან.

ტაილანდი - ინფიცირებულთა რიცხვმა 40- მიაღწია.

ჩინეთი - ერთ დღეში ინფიცირებულთა ოფიციალური რაოდენობა - 406 -ია, ხოლო გარდაიცვალა კიდევ 52 ადამიანი.

იაპონია - ვირუსის გავრცელების გამო ქვეყანაში კარანტინია გამოცხადებული. შესაძლოა წლის ოლიმპიური თამაშებიც გადაიდოს.

აშშ- ქვეყნის რამოდენიმე ქალაქში გამოცხადდა განგაში... სან ფრანცისკომ გზები გადაკეტა მიუხედავად იმისა, რომ არცერთი შემთხვევა არ დაფიქსირებულა.

პაკისტანი - ვირუსის მეორე შემთხვევა დადასტურდა პაკისტანშიც.

რუსეთი - Diamond Princess cruise -ის გემიდან გამოყვანილ 8 რუსეთის მოქალაქედან 3-ს კორონავირუსი დაუდგინდა. რუსეთი აქტიურად მუშაობს ვაქცინის გამოგონებისთვის.

საქართველო - დაფიქსირდა პირველი შემთხვევა საქართველოშიც. მოქალაქე ირანიდან აზერბაიჯანის გამოვლით შემოვიდა ქვეყანაში.

აზერბაიჯანი - საგანგებო განცხადება გააკეთა ასევე აზერბაიჯანის ჯანდაცვის მინისტრმაც. ოფიციალურად კორონავირუსი ქვეყანაში არ არის გავცელებული

მაკედონია - ჯანდაცვის მინისტრის განცხადებით კორონავირუსი დილის საათებში დაუდასტურდა ქალბატონს, რომელიც იტალიაში იმყოფებოდა და 1 კვირის წინ დაბრუნდა ქვეყანაში.

თურქეთი - თურქეთმა ყველა გზა ჩაუკეტა ირანს და ჩინეთს, უახლოეს დღეებში იგეგმება ფრენების შეჩერება იტალიის მიმართულებით.