საქართველო "ავიამიმოსვლები აღდგება მხოლოდ მაშინ".....რუსეთმა საქართველოს ულტიმატუმი წაუყენა 2020, 11 თებერვალი, 14:05  საუბარი რუსეთსა და საქართველოს შორის ავიამიმოსვლების განახლებაზე შესაძლებელი იქნება მხოლოდ მას შემდეგ, როდესაც ამიერკავკასიის ამ ქვეყანაში შეწყდება რუსოფობიური კამპანია და გაქრება მუქარა რუსი ტურისტების მიმართ. ამის შესახებ საგარეო საქმეთა მინისტრის მოადგილემ ანდრეი რუდენკომ განაცხადა. - მისი გაუქმების შესახებ ვისაუბრეთ მას შემდეგ, როდესაც შეიქმნება აუცილებელი პირობები. უპირველეს ყოვლისა, ეს არის საქართველოში არსებული მდგომარეობის სტაბილიზაცია, რუსოფობიური კამპანიის დასრულება და ჩვენი მოქალაქეების მიმართ მუქარის გაქრობა, ჩვენივე მოქალაქეების უსაფრთხოებისთვის. ”- განაცხადა რუდენკომ РИА "Новости"-სთან ინტერვიუში. შეგახსენებთ, რომ საქართველოსა და რუსეთს შორის ავიაფრენები შეჩერდა ანტირუსული პროტესტის გამო, რომელიც თბილისში 20 ივნისს დაიწყო, ე. წ. "გავრილოვის ღამის" შემდეგ. რუსი ტურისტების უსაფრთხოების მიზნით, ვლადიმერ პუტინმა ხელი მოაწერა ფრენის აკრძალვის ბრძანებულებას, რომელიც ძალაში ივლისის თვიდან შევიდა. მიუხედავად ამის, 2019 წლის იანვარი- ოქტომბრის მონაცემების მიხედვით, რუსეთი კვლავ ლიდერად რჩება იმ ქვეყნებს შორის, საიდანაც ტურისტები ყველაზე ხშირად მოგზაურობენ საქართველოში. მანამდე რუსეთის პრეზიდენტის პრეს-მდივანმა დიმიტრი პესკოვმა განაცხადა, რომ საქართველოსთან საჰაერო სერვისი მანამდე არ აღდგება, სანამ თბილისის პოლიტიკა რუსეთის მიმართ "აგრესიულ კალაპოტში"დარჩება . 549 3-ს მოსწონს
|
  |
Intermedia.ge © 2011-2024 წელი
საავტორო უფლებები დაცულია
 |
