ასტროლოგია
ზოდიაქოს 3 ნიშანი, რომელიც აბსოლუტურად ყველა მამაკაცს უყვარდება
2019, 21 ნოემბერი, 21:10
არსებობენ ქალები, რომლებზეც თითქმის ყველა მამაკაცი გიჟდება. მათ გამო, ისინი მზად არიან შეიცვალონ, "მთებიც კი გადადგან" და ყველა მათი სურვილი თუ კაპრიზი დაუფიქრებლად აასრულონ. ფსიქოლოგები დარწმუნებულები არიან, რომ საქმე ქალბატონების აღზრდაშია, სექსოლოგები პირიქით, ამტკიცებენ რომ მიზეზი ქალის შინაგან თავდაჯერებულობაშია, რომელმაც საკუთარი მიმზიდველობის ფასი ზუსტად იცის, ხოლო აი, ასტროლოგები კი გვარწმუნებენ, რომ ყველაფერი ვარსკვლავების ხელშია. მოდით ვნახოთ, რომელი ზოდიაქოს ნიშნის ქვეშ იბადებიან ყველაზე მიმზიდველი და სასურველი ქალები, რომლებსაც ძლიერი სქესის თითქმის ყველა წარმომადგენელი ერთნაირად აღმერთებს.
მე -3 ადგილი - სასწორი
ქალი - სასწორი საკუთარი თავის საუკეთესო კუთხით წარმოჩენას შესანიშნავად ახერხებს. ეს ქალბატონები კარგი აღზრდილები, მოვლილები და ჭკვიანები არიან. მათთან სასაუბრო თემების პოვნა რთული არ არის, რაც მოწიფულ მამაკაცებს მათში ასე ძალიან ხიბლავთ. სასწორის ნიშნის ქვეშ დაბადებულმა ქალმა ზუსტად იცის თუ როგორ გახადოს საკუთარი პარტნიორი ბედნიერი. სწორედ ამიტომ იზიდავს ასე ძალიან ზოდიაქოს ეს ნიშანი საპირისპირო სქესის წამომადგენლებს.
მე -2 ადგილი - ქალწული
ქალწულის ზოდიაქოს ნიშნით დაბადებული ქალი როგორც წესი ქალურობის განსახიერებაა. ის საოცარი ინტუიციის პატრონია, რომელიც თავისი მეორე ნახევრის სურვილს მანამდე ხვდება, ვიდრე ის, მას ამის შესახებ გაანდობს. ქალწულები საოცრად ინტელიქტუალები არიან. ისინი საკუთარ პარტნიორებს ხშირად ცოდნითა და გამოცდილებით ზოგჯერ აშინებენ კიდეც. ქალწული ქალი ოჯახური კერის იდეალურ დამცველად ითვლება, რომელიც საკუთარი ოჯახისთვის ყველაფრისთვის მზად არის.
1-ლი ადგილი - თევზები
თევზები ყველაზე ერთგული ნიშანია. კონკრეტულად ეს თვისება იზიდავს მამაკაცებს მათში ყველაზე მეტად, ძლიერი სქესის თითქმის ყველა წამომადგენელი ხომ ცხოვრების მეგზურად სწორედ ისეთ პარტნიორს ეძებს, რომელიც რაც არ უნდა მოხდეს მის გვერდით იქნება. ქალი - თევზი მგრძნობიარე და ყურადღებიანია, რომელსაც საკუთარი პარტნიორის მოვლა დიდ სიამოვნებას ანიჭებს. თევზების ნიშნის ქვეშ დაბადებულ ქალს ნებისმიერი სიტუაციის ადეკვატურად გაანალიზება შეუძლია, რითიც მამაკაცების გულს, ის კიდევ უფრო მეტად იგებს, რომლებიც ქალურ ისტერიკებს საშინლად ვერ იტანენ.
