"მთავარ აქცენტებში" ეკა კვესიტაძემ მეუფე იაკობთან სატელეფონო საუბრები გაიხსენა:

"საპრეზიდენტო არჩევნების შემდეგ ის ძალიან გაბრაზებული იყო გახარიაზე, ერთ-ერთი სატელეფონო საუბრის დროს მან მომიყვა თუ როგორ ემუქრებოდა გახარია, რომ გაასაჯაროდებდა პირად ფარულ ჩანაწერებს, რომელიც ჰქონდა იაკობზე და სხვებზე..ის იყო გაცოფებული..

ამის საპასუხოდ ნიკა გვარამიამ გაიხსენა მეუფე იაკობის ქადაგებები, როცა სასულიერო პირმა მის შესახებ ისაუბრა."ორი ქადაგება მომიწყო რომ ჰომოსექსუალური ურთიერთობა მაქვს ჩემს თანამშრომელთან. ქადაგებაში ილაპარაკა ეს.

მეუფევ, არ ვაპირებ, იგივეთი გიპასუხოთ. არ ვაპირებ შეურაცხმყოფელი ბოდვის გავრცელებს. არ ვაპირებ, ავყვე სახელმწიფო აპარატს, რომელიც თქვენ ახლა ამხილეთ იმიტომ, რომ გადმოსულია თქვენს დანგრევაზე, პერსონალურად თქვენი და მათ შორის პატრიარქის და სხვა ადამიანების. მე არ ვაპირებ ამაში აყოლას, ვაპირებ ეკლესიის მოკავშირეობას ამ შემთხვევაში.

ჩემთვის მნიშვნელოვანია, რომ ერთი ადამიანი არ იღებდეს მონაწილეობას ინსტიტუციების დარღვევაში, განსაკუთრებით მრავალსაუკუნოვანი ინსტიტუციების განადგურებას. მე ვაპირებ თქვენს მოკავშირეობას, თუ არ შეგრცხვებათ.

აი, თქვენს ქადაგებებს კი ყოველთვის გაჩვენებთ და ყოველთვის გკითხავთ, საიდან მოიტანეთ ეს სისულელე და ვინ დაგავალათ, რომ დამგმოთ ჰომოსექსუალურ კავშირში ჩემს თანამშრომელთან. აი, ეს მაინტერესებს ძალიან და ესეც მაინტერესებს, პასუხს როდის მოვისმენ... ღია ქადაგებებზე, რომლებიც "იუთუბზე" დევს, არაფერს არ ვიგონებ"- განაცხადა ნიკა გვარამიამ.

შეგახსენებთ, მეუფე იაკობმა tv პირველი-ის ეთერში "ციანიდის საქმეზე"გააკეთა სკანდალური განცხადება, სადაც აღნიშნა, რომ გიორგი გახარია და ვახტანგ გომელაური ყოფილი პრემიერის გიორგი კვირიკაშვილის კაბინეტში მას უწმინდესის გადაყენებაზე „ეჩალიჩებოდნენ“.