გიორგი (ფაცო) ვეშაგურიძე (1917-1944 წწ.) ზემო ალვანელი, წარმოშობით თუში, საქართველოს დამოუკიდებლობისთვის, კომუნისტების წინააღმდეგ მებრძოლი იყო. შესაძლოა მან იცოდა კიდეც, რომ ვერაფერს გახდებოდა მცირე ბრძოლით წითლების რეჟიმის წინააღმდეგ, რომლებმაც მარტო საბჭოეთში მინიმუმ 32 მილიონი ადამიანი შეიწირეს რეპრესიებში (ლენინმა 9 მლნ. და სტალინმა 23 მლნ.), მაგრამ ეს მისი პროტესტი იყო. ვერ იტანდა და ვერ ეგუებოდა იმ უსამართლობას, რაც საქართველოს თავს დაატეხეს 1921 წელს და იმას, რომ მისი ქვეყანა განწირული აღმოჩნდა მსოფლიოს მიერ კომუნისტური ჭირისთვის. ის გახლდათ ქართული ნაციონალისტური ორგანიზაციის - "სამანის" წევრი. ფაცო ძალიან ჭკვიანი, მოხერხებული მებრძოლი იყო. დიდი ხნის დევნის შემდეგაც კი ვერ მოიხელთეს კომუნისტებმა. ამიტომ მის ოჯახზე მიიტანეს იერიში და მისი სუსტი წერტილი - ოჯახის წევრები, საყვარელი ადამიანები გამოიყენეს - უსამართლოდ დაუპატიმრეს მისი მეუღლე და სამი და. მეუღლისა და დების გამოშვების სანაცვლოდ ფაცო მილიციას ჩაბარდა, მაგრამ ჯალათებმა სიტყვა გატეხეს, გოგონები არ გაუთავისუფლებიათ, ხოლო მეუღლე სამუდამოდ გადაასახლეს.. თავად გიორგი გასამართლების გარეშე დახვრიტეს. ფაცო ვეშაგურიძეს შთამომავალი არ დარჩენია. მისი და-ძმების კი დღემდე ზემო ალვანში ცხოვრობს.

საქართველოს გმირის გიორგი (ფაცო) ვეშაგურიძის უკვდავი ხსოვნის პატივსაცემად ფეისბუქ-გვერდის "ისტორია ფერებით" ადმინისტრატორმა - ავთანდილ ვაშაძემ ახალი სიცოცხლე შთაბერა და გააფერადა მისი დღემდე შემორჩენილი ერთადერთი და შესანიშნავი ფოტო, რომელზეც ულამაზესი თუში ვაჟკაცია აღბეჭდილი - მრავალთაგან ერთ-ერთი მშვენიერი სიცოცხლე, რომელიც წითელმა რეჟიმმა უსამართლოდ გააუბედურა და მოსპო:

დიდება გმირებს...

კრებულები:

1. ქართველური ტომები

2. ქართული სახელმწიფოები

3. კავკასიური კულტურები

4. ქართული მითოლოგია

5. საქართველო

6. საქართველო (ნაწილი II)

7. ნაციზმი

8. ჰიტლერი

9. მეცნიერება

10. რელიგია

11. პარანორმალი

ავტორი: თორნიკე ფხალაძე