საზოგადოება დირექტორები და საინფორმაციო სამსახურის ხელმძღვანელი „იმედშიც“ შეცვალეს 2019, 24 ივლისი, 16:06 ![]() რუსთავი2-ზე განხორციელებული ცვლილებების პარალელურად ხელმძღვანელობა შეიცვალა კიდევ ერთ პოპულარულ ქართულ ტელეარხზე. გასული კვირიდან შეცვლილია გენერალური დირექტორი, აღმასწრულებელი დირექტორი და საინფორმაციო სამსახურის უფროსი. საზოგადოებრივი მაუწყებლის პირველი არხის საკვირაო ტელეჟურნალის რეპორტიორი, ჟურნალისტი გიორგი ცხვიტავა „იმედის” აღმასრულებელ დირექტორად დაინიშნა. გიორგი ცხვიტავა ინფორმაციას თავადაც ადასტურებს. მისი თქმით, ის ამ პოსტზე რამდენიმე დღის წინ დაინიშნა. როგორც მან გვითხრა, ამ დროისთვის, ჰოლდინგის სტრუქტურულ ცვლილებებზე მიმდინარეობს მუშაობა. რაც შეეხება საკადრო ცვლილებებს, გიორგი ცხვიტავას თქმით, საკადრო ცვლილებები არხზე არ იგეგმება. შეგახსენებთ, რომ მაისში ტელეკომპანია „იმედის“ გენერალური დირექტორის თანამდებობაზე ელდარ მდინარაძე დაინიშნა, რომელმაც ამ პოსტზე გიორგი კალანდარიშვილი შეცვალა. ორი კვირაა ტელეკომპანია "იმედის" საინფორმაციო სამსახურის ხელმძღვანელმა თანამდებობა დატოვა, ამის შესახებ ნანა ლეჟავამ "ფეისბუქზე" დღეს დაწერა: "დაინტერესებულ ადამიანთა საყურადღებოდ: უკვე ორი კვირაა არც ფორმალურად ვარ "ქრონიკაში" და არც არაფორმალურად. თუმცა, ვრჩები "იმედში". მადლობა ყურადღებისთვის." "ყველა განაგრძობს მუშაობას თავის ადგილას. ვმუშაობთ საერთო სტრუქტურაზე. ტელეკომპანიაში არანაირი მნიშვნელოვანი ცვლილება არ იგეგმება. სამი დღეა, რაც "იმედში" მოვედი. იქამდე, გარკვეული მოლაპარაკებები გვქონდა. შემოთავაზება პირადად გენერალური დირექტორისგან მივიღე" - განაცხადა ცხვიტავამ. 182 შეფასება არ არის
|