ალბათ, ცოტა ადამიანს თუ მოსწონს საკუთარი ფოტო ოფიციალურ დოკუმენტებში. რა თქმა უნდა, ამაში საგანგაშო არაფერია, თუმცა, თუ უახლოეს მომავალში აპირებთ ფოტოს გადაღებას ID ბარათისთვის, პასპორტისთვის, მართვის მოწმობისთვის ან სხვა დოკუმენტისთვის, სტატიაში მოცემული რჩევები ნამდვილად გამოგადგებათ.

ეცადეთ, ნიკაპი არ ასწიოთ.

ეს ერთ-ერთია ყველაზე ხშირად დაშვებულ შეცდომათაგან: ცდილობთ, სწორად იჯდეთ, მაგრამ ნიკაპს ზედმეტად მაღლა სწევთ. შედეგად, ისე ჩანს, თითქოს მთავარი აქცენტი ცხვირის ნესტოებზეა გაკეთებული. ასეთი ფოტო ბუნებრივი არაა, ნიკაპი კი დიდი და "მძიმე" ჩანს. სცადეთ, მოდუნდეთ და თავი ზედმეტად უკან არ გადასწიოთ.

არ გადასწიოთ თავი უკან.

თუ თავს ზედმეტად წინ გადმოსწევთ, ფოტოში ღაბაბი გამოგიჩნდებათ, ხოლო თუ ზედმეტად უკან, მაშინ აქცენტი ცხვირის ნესტოებზე გაკეთდება და დიდი ნიკაპი გამოგიჩნდებათ. სცადეთ, თავი ოდნავ დაბლა ჩამოსწიოთ და წინ იყუროთ. ასე საუკეთესო შედეგს მიიღებთ.

არ გარისკოთ ფართო ღიმილი.

თანამედროვე სტანდარტების მიხედვით, ფართო ღიმილი ოფიციალური დოკუმენტის ფოტოსთვის შეუფერებელია. თუმცა, შეგიძლიათ, მსუბუქი ღიმილი სცადოთ, რომლის დროსაც მხოლოდ ტუჩის კუთხეები იწევა ოდნავ მაღლა.

არ მოიღუშოთ.

შეკრულ წარბებს ფართო ღიმილზე მეტად შეუძლია ფოტოს გაფუჭება. ამის თავიდან ასაცილებლად, სცადეთ, ოდნავ ასწიოთ წარბები, თითქოს რაღაცამ გაგაოცათ. თუმცა, დარწმუნდით, რომ შოკირებულად არ გამოიყურებით!

არ დაგავიწყდეთ თმის გასწორება.

აირჩიეთ კოხტა, აკურატული ლუქი. მოერიდეთ ზედმეტად გამოპრანჭვას და არაბუნებრიობას. გაითვალისწინეთ, რომ ზოგი წესის მიხედვით, დოკუმენტის ფოტოში შუბლი, თვალები და წარბები დაფარული არ უნდა იყოს.

ყურადღება მიაქციეთ მაკიაჟს.

მოერიდეთ მკვეთრ და ბრჭყვიალა თვალის ჩრდილებს, პომადასა და ჰაილაითერს. შეიძლება, მკვეთრ სინათლეზე ამან ასაკი მოგიმატოთ. უმჯობესია, მაკიაჟი მატე ტონებში გადაწყვიტოთ.

მნიშვნელოვანია წარბები და წამწამებიც. ისინი ბუნებრივი უნდა იყოს. პომადაც, უმჯობესია, ტუჩის ფერს შეესაბამებოდეს. თუმცა, არ აირჩიოთ ძალიან ღია ფერის ტუჩსაცხი.

აირჩიეთ შესაფერისი ტანსაცმელი.

როგორც წესი, ოფიციალურ დოკუმენტებში სახეზე იღებთ სურათს, ამიტომ აუცილებელი არაა საუკეთესო გამოსასვლელი ტანსაცმლის ჩაცმა. გაითვალისწინეთ, დიდი აქსესუარები შეიძლება უცნაური გამოჩნდეს, კაპიშონიანმა ზედამ კი შექმნას იმის ილუზია, რომ კუზი გაქვთ. რეკომენდებულია, დოკუმენტის ფოტოსთვის მუქი ფერის სადა ზედა აირჩიოთ.

ასევე დაგაინტერესებთ:

1. როგორ გადავიღოთ კარგი ფოტო - 12 მარტივი ხერხი

2. 10 სასარგებლო რჩევა გოგონებს ზაფხულისთვის

3. 10 შეცდომა, რომელსაც ფოტოების გადაღების დროს უშვებთ