საზოგადოება რამდენიმე ადამიანი ქეიფობს და მაშველებს არ ემორჩილება - მამკოდასთან მდინარე ადიდდა 2019, 5 მაისი, 10:50 მცხეთის მუნიციპალიტეტის სოფელ მამკოდასთან სამაშველო სამუშაოები მიმდინარეობს.  მდინარემ ადიდება თანდათან იწყო, ბოლოს კი რთული მდგომარეობა შეიქმნა .
საგანგებო სიტუაციების მართვის სამსახურის განცხადებით, ამ წუთებში, მოქალაქეების უსაფრთხო ადგილას გამოყვანის ოპერაცია მიმდინარეობს.
ადიდების გამო, რამდენიმე ადამიანი მეორე ნაპირზეა ჩარჩენილი.
ინფორმაციას ქართულმა მედიამ გადმოსცა. საქართველოს პირველი არხის მიერ გავრცელებული ცნობით, მეორე ნაპირზე ჩარჩენილთაგან რამდენიმე ადამიანი ამ ეტაპზე მაშველებს არ ემორჩილება. ისინი მამკოდის ტერიტორიაზე საქეიფოდ არიან მისული. ადგილზე 25 მაშველი მუშაობს. მდინარის მეორე ნაპირზე სავარაუდოდ 70 ადამიანი იყო ჩარჩენილი. შემთხვევის შედეგად არავინ დაშავებულა. 191 შეფასება არ არის
|
  |
Intermedia.ge © 2011-2024 წელი
საავტორო უფლებები დაცულია
 |
