თბილისის მერიის ახალ ინიციატივას ანუ დედაქალაქის რამდენიმე ცენტრალურ ქუჩაზე ბოძებზე დადგმულ ამოყირავებული ავტომანქანების გამოჩენას სოციალურ ქსელში დიდი გამოხმაურება და აჟიოტაჟი მოჰყვა. როგორც დედაქალაქის მერიაში განმარტავენ, ქუჩაში ამოყირავებული მანქანების დადგმის ინიციატორი კერძო კომპანია გახლავთ, თუმცა მისი მონტაჟი ქალაქის მერიასთან წინასწარ იყო შეთანხმებული. საინტერესოა, როგორ აღიქვეს თბილისელებმა ამოყირავებული მანქანები დედაქალაქში?

აი, რას წერს ირინა სარიშვილი სოციალურ ქსელში; -Irina Sarishvili "ქუჩაში გავედი, თავზარი დამეცა ამ ამოყირავებული მანქანების დანახვაზე! ბარემ ავარიით დაღუპულებიც ჩაგესვათ "ძეგლში", მაინც დამჯდარს გვასაფლავებთ! ხვალ შეიძლება კუბოს ძეგლი დამხვდეს ქუჩაში მწეველების გასაფრთხილებლად ხო? მერე @@@ბი ხართო გეტყვიან და გწყინთ! მოგვხედეთ ვინმე ღვთისნიერმა გემუდარებით!"

ამავე პათოსითაა დაწერილი თავდაცვის ყოფილი მინისტრის, ირაკლი ოქრუაშვილის ფეისბუქსტატუსი, სადაც ის წერს: – " ქალაქში დღეს დაყენებულ ამობურცულ მანქანებზე გამახსენდა. შარშანწინ სან ტროპეში პურის საყიდლად გამოვედი და ისეთ კრეატიულ მეპურეს გადავაწყდი, რომ ჩვენი ქალაქის თავს ნოშრევას, იგივე კახი კალაძეს შეშურდებოდა მისი კრეატიულობა და ნამდვილად დაესესხებოდა. მას, ექსტრავაგანტულ ნოვატორს ვინმე ღვთისნიერმა მიაწოდეთ ფოტოები, რომ მერიის სასადილოში დანერგოს ამგვარი პურის იდეა". ტელეკომპანია "რუსთავი 2" - ის გენერალური დირექტორი კი, რომლის ფეისბუქსტატუსებს ათასობით კომენტარი და უფრო მეტი მოწონება აქვს, წერს: - " ბოდიში, ეს რას გვასწავლის? ყველგან დგას და ხომ უნდა ვიცოდეთ თბილისის მერია/თბილისის მერია / Tbilisi City Hall.