წინა ხელისუფლების ერთ - ერთი გამორჩეული ლიდერი და ყოფილი თავდაცვის მინისტრი ირაკლი ოქრუაშვილი ფეისბუქში ძალიან აქტიურობს და ახლაც არაა გამონაკლისი მისი აქტივობა. აი, რას წერს ოქრუაშვილი სოციალურ ქსელში: - "

დღეს "განწმენდის" დღე მაქვს. მეგობრებიდან წავშალე 66 გაუქმდა გაუქმდა, გორის სილამაზის 12 სალონი, გორის და ხაშურის 25 პროფილაქტიკა, 150-მდე კრიშნა, რემბო, ფჰჯკუტქწ სფგჰჯ და მსგავსი. დავიმატებ ახალ მეგობრებს პარიტეტის დაცვით და შემდეგის გათვალისწინებით: ქოცები თავისით მტოვებენ, ნაცები კი ალყაში მიქცევენ. მეტწილად უპირატესობას მივანიჭებ შუაშისტებს, რომლებიც ჯერ კიდევ ახალგაღვიძებულებივით იზმორებიან.ჩემდამი ბევრ სხვა პრეტენზიასთან ერთად ყოველთვის მესმოდა შემდეგი: გარემოცვა და გუნდი არ უვარგა, რად უნდოდა ქარელი, პადოშა, ბესელია და ა.შ.უდავოა, რომ ყველა სერიოზული საქმისათვის საჭიროა სწორი ადამიანების შერჩევა და მონოლითური გუნდის შექმნა. ყოველთვის, როდესაც რაიმე სერიოზულს ვიწყებდი, ადამიანებს ვარჩევდი იქიდან საიდანაც შეიძლებოდა არჩევა. ასარჩევად საქმე კი არასდროს არ მქონდა, რადგან სუფთა, წესიერი, გამოცდილი და "უნაკლო" ადამიანები, როდესაც საქმე რისკიან გეგმებს ეხებოდა, მორალისტობდნენ, იმალებოდნენ და ბუჩქებიდან ყურებას ამჯობინებდნენ, რათა შემდეგ ამის გამო ვეკრიტიკებინე.