გუშინ პარიზში შანელის ჩვენება გაიმართა, რომელსაც ბევრ სხვა ვარსკვლავთან ერთად მონიკა ბელუჩიც დაესწრო. ამჯერად საზოგადოების წინაშე მონიკა მეგობარ მამაკაცთან ერთად გამოჩნდა. ჭორები მონიკას ახალი სიყვარულის შესახებ უკვე რამდენიმე თვეა გავრცელდა, მაგრამ ეს მათი პირველი საჯარო გამოჩენაა და ამით ფაქტიურად ჭორებიც დაადასტურეს.

მონიკას ახალი რჩეული 36 წლის ფრანგი მოქანდაკე ნიკოლა ლაფებრეა. წყვილი უკვე რამდენიმე თვეა ერთმანეთს ხვდება და ადრეც ხშირად დაუფიქსირებიათ ნიკოლას გალერეასთან.

შეგახსენებთ, ბელუჩი ორჯერ იყო ოფიციალურ ქორწინებაში. 1990 წელს იქორწინა კლაუდიო კარლოს ბასოზე, რომელსაც 1994 წელს დაშორდა. ორი წლის შემდეგ გაიცნო ფრანგი მსახიობი ვინსენ კასელი. კასელმა და ბელუჩიმ 1999 წელს იქორწნეს და 2013 წლამდე იყვნენ ერთად. ჰყავთ ორი ქალიშვილი. ნიკოლა ლაფებრეასაც ჰყავს 8 წლის ქალიშვილი.