მასწავლებელთა ყველაზე დაბალი ხელფასი ევროპაში საქართველოს მასწავლებელთა ხელფასს 8-ჯერ აღემატება

ეკონომიკური თანამშრომლობისა და განვითარების ორგანიზაციის (OECD) მონიტორინგით დამწყებ მასწავლებელთა საშუალო წლიური ხელფასი აშშ-შ დაწყებით სკოლაში 39 000 დოლარია, ხოლო ვეტერინარი მასწავლებლის - 67 000 დოლარი.

OECD-მა გამოიკვლია ქვეყნები, სადაც მასწავლებელთა ხელფასი ყველაზე მაღალი ან დაბალი იყო.

ყველაზე მაღალი ხელფასი დამწყებ მასწავლებელს ლუქსემბურგში მიეცემა. ეს იმას ნიშნავს, რომ ყოველგვარი გამოცდილების გარეშე მასწავლებელი წელიწადში 70 000 დოლარს მიიღებს. ვეტერინარი მასწავლებლისთვის განსაზღვრული ხელფასი კი 124 000 დოლარია.

ევროპის დაწყებით სკოლებში ყველაზე მაღალი ხელფასები გაიცემა:

⦁ ლუქსემბურგში - 124 000 დოლარი
⦁ შვეიცარიაში - 86 000 დოლარი
⦁ კორეაში - 85 000 დოლარი
⦁ გერმანიაში - 75 000 დოლარი
⦁ ავსტრიაში - 74 000 დოლარი

ევროპის დაწყებით სკოლებში ყველაზე დაბალი ხელფასი სლოვაკეთში გაიცემა, რომელიც რიცხობრივად წელიწადში 22 000 აშშ დოლარს გულისხმობს.
2017-2018 წლის მონაცემებით საქართველოს პრაქტიკოს მასწავლებელთა საშუალო წლიური ხელფასი დანამატებითურთ 7 356 ლარია. თუ მას გადავიყვანთ საერთაშორისო ვალუტაში, მივიღებთ 2 829 აშშ დოლარს.

მაშასადამე, გამოდის რომ საქართველოს პრაქტიკოს მასწავლებელთა საშუალო წლიური ხელფასი ევროპის ყველაზე დაბალ ანაზღაურებადიან ქვეყანასთან შედარებითაც კი 8 ჯერ ნაკლებია.

საქართველოს მასწავლებელთა ხელფასი ლუქსემბურგში გაცემულ ხელფასთან შედარებით დაახლოებით 44-ჯერ ნაკლებია.

ევროპული High school შეესაბამება ჩვენს - საშუალო სკოლის სისტემას.

ევროპული High school მასწავლებელს უფრო მეტი ანაზღაურება აქვს, ვიდრე ზემოთ დაწყებითი სკოლის მასწავლებელს ჰქონდა. ევროპის საშუალო სკოლის მასწავლებელთა უმაღლესი ხელფასი კვლავ ლუქსემბურგშია(138 000 აშშ დოლარი). ხოლო უდაბლესი -ლიტვაში(20 000 აშშ დოლარი).

აღსანიშნავია, რომ ჩვენ მეზობელ თურქეთში საშუალო სკოლის მასწავლებელთა წლიური ანაზღაურება 45 000 დოლარია.

თქვენთვის საინტერესო თემები