"აქ არის ლაპარაკი, რომლებიც შემოდიან ტურისტული მიზნებით ანუ ტურისტულად შემოდიან ჩვენს ქვეყანაში და დადიან სკვერებში, ხალხმრავალ ადგილებში, მორწმუნეები არ დადიან ასე ქუჩა-ქუჩა, იმათ აქვთ თავიანთი ადგილი და ლოცულობენ იქა. ამიტომ აქ არ უნდა ახლა ამას ბევრი ისა... გადადება ამ საკითხს" - განმარტავს ემზარ კვიციანი.

"ევროპის ქვეყნებში უკვე მოქმედებს აკრძალვები ამ კუთხით. კერძოდ, ჩადრით, ნიქაბით და ბურკით სიარული აკრძალულია: ჰოლანდიაში, ბელგიაში, საფრანგეთში, ავსტრიაში, ბულგარეთში და ლატვიაში. მიმდინარე წლის 1 ივლისიდან ამ ქვეყნების რიცხვს დანიაც შეუერთდა“, - აღნიშნულია განმარტებით ბარათში.

კანონპროექტის მიხედვით, ჩადრით, ნიქაბითა და ბურკით სიარული ხდება დასჯადი ქმედება და სამართალდამრღვევს ეკისრება ფულადი ჯარიმა. პირველ შემთხვევაზე 500 ლარი, განმეორებით შემთხვევაზე 1500 ლარი.

გამონაკლისის სახით კანონპროექტი არ გავრცელდება საქართველოში აკრედიტირებული დიპლომატიური კორპუსის თანამშრომლებზე.