.

გორში დაკარგული ბავშვი, რომელიც სახლიდან 25 ოქტომბერს შუა დღეს გავიდა, გარდაცვლილი იპოვეს. ოჯახის ახლობლების მტკიცებით, 9 წლის გოგონა ცეკვის წრეზე წავიდა სკოლაში, თუმცა იქ არ მისულა. როგორც წმინდაწყლის დასახლებაში მცხოვრები ბერიაშვილების ოჯახის წევრები აცხადებენ, ცეკვის სკოლა სახლიდან დაახლოებით ერთი კილომეტრის დაშორებით მდებარეობს.

.

რეგიონული მედიის ცნობით, ამ ეტაპზე ცხედარს ექსპერტიზა უტარდება. ადგილზე, სადაც 9 წლის ბავშვის ცხედარი იპოვეს, გარდაცვლილის ოჯახის წევრები და ახლობლები არიან შეკრებილი. ერთ-ერთმა მეზობელმა ჟურნალისტებს განუცხადა, რომ მან გოგონა იმ დროს დაინახა, როცა ის მარტო მიდიოდა.

.
ადგილობრივების თქმით, გარდაცვლილს ფეხები რკინის მავთულით ჰქონდა შეკრული, თავზე კი ცელოფანის ტომარა ჰქონდა ჩამოცმული. ისინი ამბობენ, რომ ბავშვი სწორედ ცელოფანის ტომრით გაგუდეს. მათივე განცხადებით, ძებნისას მათ გორის რაიონული სასამართლოს ეზო რამდენჯერმე შეამოწმეს, თუმცა ცხედარი იქ არ ყოფილა. ისინი ეჭვობენ, რომ მოზარდი სხვაგან მოკლეს და შემდეგ ცხედარი სასამართლოს ეზოში დატოვეს.

.
ადგილზე პოლიცია და სასწრაფო დახმარების ბრიგადები არიან მობილიზებული.

,