საზოგადოება სოფო ხალვაში სალომე ზურაბიშვილის მხარდაჭერისთვის აჭარის ტელევიზიიდან გაათავისუფლეს 2018, 25 ოქტომბერი, 23:17
აჭარის საზოგადოებრივი მაუწყებლის ინფორმაციით, მენეჯმენტის გადაწყვეტილებით, მომღერალი სოფო ხალვაში გადაცემა ''დილის ტალღას“ აღარ წაიყვანს. შაბათ-კვირას დილის შემეცნებით-გასართობ გადაცემას სოფო ხალვაში უკვე რამდენიმე წელია, საცხოვრებლად ბათუმში დაბრუნების შემდეგ, უძღვებოდა.
.
მომღერლის მიმართ დისციპლინური საქმის წარმოება მიმდინარეობს, რადგან 25 ოქტომბერს მან თბილისში, სპორტის სასახლეში „ქართული ოცნების'' მხარდაჭერილი კანდიდატის, სალომე ზურაბიშვილის შემაჯამებელ წინასაარჩევნო შეხვედრაზე იმღერა.
.
„მაუწყებლის ნებისმიერ თანამშრომელს პოლიტიკური პარტიის მიერ ორგანიზებულ ღონისძიებებში მონაწილეობა ეკრძალება. საკითხზე მაუწყებელი იმსჯელებს და საბოლოო გადაწყვეტილებას მიიღებს“, - აღნიშნულია ადამიანური რესურსების მართვის სამსახურის უფროსის, გია ქარცივაძის განცხადებაში, რომელსაც აჭარის ტელევიზია ავრცელებს.
.
გარდა შეხვედრაზე სიმღერისა, სოფო ხალვაში მონაწილეობს ქართველი მომღერლების მონაწილეობით გადაღებულ მუსიკალურ კლიპშიც, რომელიც ასევე სალომე ზურაბიშვილის მხარდასაჭერად შეიქმნა.
.
238 შეფასება არ არის
|
  |
Intermedia.ge © 2011-2024 წელი
საავტორო უფლებები დაცულია
 |
