საქართველოს სტატისტიკის ეროვნული სამსახურის 2017 წლის მონაცემებით, ქვეყანაში ყეელაზე ხშირად სასუნთქი გზების მწვავე რესპირაციული ინფექციებით ავადდებიან - სულ 405 641 შემთხვევა, იუწყება "ინტერპრესნიუსი".

ჰიპერტენზია – (არტერიული წნევის მატება) საქართველოში ყველაზე მეტად გავრცელებული დაავადების ჩამონათვალში მეორე ადგილზეა. გახშირებულია ქვეყანაში პირის ღრუს ანთებითი პროცესები, შაქრიანი დიაბეტი და ქალთა საქესო ორგანოების დაავადებებიც.

პირველი ათეული ასე გამოიყურება:

1. სასუნთქი გზების მწვავე რესპირაციული ინფექციები - 405 641 შემთხვევა;

2. ჰიპერტენზია - 376 219 შემთხვევა;

3. პირის ღრუს, სანერწყვე ჯირკვლებისა და ყბების დაავადებები - 282 518 შემთხვევა;

4. შაქრიანი დიაბეტი - 112 299 შემთხვევა;

5. ქალის სასქესო ორგანოების დაავადებები - 109 265 შემთხვევა,

6. დორსოპათიები (ძვალ-კუნთოვანი სისტემის და შემაერთებელი ქსოვილის ავადმყოფობები) – 70 773 შემთხვევა;

7. კატარაქტა - 57 707 შემთხვევა;

8. პერიფერიული ნერვული სისტემის ავადმყოფობები - 49 923 შემთხვევა;

9. დერმატიტი და ეგზემა - 45 952 შემთხვევა;

10. შუა ყურის ანთება (ქრონიკული ოტიტი) – 33 595 შემთხვევა.

რაც შეეხება უფრო მძიმე დაავადებებს:

ავთვისებიანი ახალწარმონაქმნები- (ლიმფური და სისხლმბადი ქსოვილების ახალწარმონაქმნების ჩათვლით) 8 ათასზე მეტი შემთხვევაა დაფიქსირებული,

რაც შეეხება ანემიებს-28 555 ავადმყოფია რეგისტრირებული.