2015 წლიდან მოყოლებული მათი რიცხვი, ვინც საქართველოს მართლმადიდებლური ეკლესიის საქმიანობას დადებითად აფასებდა, ყოველწლიურად მცირდება.ამას ადასტურებს ეროვნულ - დემოკრატიული ინსტიტუტის (NDI) ბოლო კვლევა.

კითხვაზე, "როგორ შეაფასებდით საქართველოს მართლმადიდებლური ეკლესიის საქმიანობას", 2015 წლის აპრილში გამოკითხულთა 75% პასუხობდა, რომ "კარგად".

2016 წლის მარტში ანალოგიური კითხვაზე პასუხი "კარგად"72%-მდე დაეცა, ხოლო 2017 წლის აპრილში 58%-მდე .

წლევანდელი გამოკითხვის მიხედვით ეკლესიისადმი ნდობამ კიდევ 2%-ით იკლო და ახლა - 56%-ია.

ამასთანავე მოიმატა იმ ადამიანების რიცხვმა, ვინც "ცუდად" აფასებს ეკლესიის საქმიანობას. 2015 წელს ეს მაჩვენებელი 2% იყო, ხოლო 2018 წელს - 8%-ია.