მაშ ასე, ვინც მოუთმენლად ელის ლომის, ქალწულის, სასწორის და მორიელის მოხიბვლის ხერხებს ეს სტატია თქვენთვის იწერება.

ლომით დავიწყოთ და მინდა თავიდანვე შეგიბრალოთ, თუ მოკრძალებული ბიჭების კატეგორიას განეკუთვნებით ამ გოგოზე ფიქრი თავიდან სამუდამოდ ამოიგდეთ! ლომის სისუსტე არის ყველაფერი "ფეშენი" და ძვირფასი, მათ შორის რაღა თქმა უნდა ბიჭიც. ჰოდა თუ თქვენ ასეთი "ჯერზკების" კატეგორიას განეკუთვნებით წინ!

აი რაც შეეხება ქალწულს, ზოდიაქოს ამ ნიშნით დაბადებულ ქალს თავს მოწესრიგებულობით და სტაბილური ხასიათით მოაწონებთ. ყოველგვარი სახის ექსტრავაგანტურობა და "სიყვარულის სახელით" ჩადენილი საქციელი, თქვენი ქალწული შეყვარებულის დაფრთხობას გამოიწვევს. მას ჭკუადამჯდარი მამაკაცები მოსწონს და არა ცირკის ჯამბაზები. გაითვალისწინეთ ეს!

ხოლო თუკი თქვენი "გულის მარწყვი" სასწორის ზოდიაქოს ნიშნის ქვეშ დაიბადა, მას მარწყვივით დაშაქრულ-დატკბილულ ხასიათთან ერთად პერიოდული ყოყმანის და მერყეობის პერიოდებიც ექნება. ყველაზე მეტად სასწორები უხეშობას და ვულგარულობას ვერ იტანენ. მისთვის თავის მოწონება თუ გინდათ, აუცილებლად გულდასმით უნდა შეარჩიოთ სუნამო, ტანსაცმლის ფერი+სტილი და ვარცხნილობა. ვიზუალური ეფექტები სასწორისთვის ძალზე მნიშვენლოვანია.

მაგრამ თუ მორიელის თაყვანისმცემელი ხართ, ძალიან დიდი ძალისხმევა დაგჭირდებათ ამ ქალის ხელში ჩასაგდებად. გაითვალისწინეთ, სულ რომ ფერიასავით გამოიყურებოდეს გარეგნულად, ეს ქალი გასაოცარი ძალის და მანიპულაციის უნარის მფლობელია. თქვენ გაინტერესებთ, რა არის მისი სისუტე? სექსი და ეჭვიანობა. თუ თქვენ მას არ მოაკლებთ არც ერთს არც მეორეს (ოღონდ ეჭვიანობის მხრივ არ გადაამლაშოთ!), იგი მუდმივად თქვენი იქნება.