სხვა დოდო გუგეშაშვილი დაჭრილია, მისი შვილის გადარჩენა ვერ მოხერხდა 2018, 7 თებერვალი, 14:13 დღეს დილით დიღმის მასივში საკუთარ სახლში დოდო გუგეშაშვილის შვილი ნოდარ გუგეშაშვილი მოკლეს. გავრცელებული ინფორმაციით დაჭრილია დოდო გუგეშაშვილი. აღნიშნულ ფაქტთან დაკავშირებით შსს-მ განცხადება გაავრცელა... "დღეს მიღებული შეყტობინების საფუძველზე 1958 წელს დაბადებული დ.გ.-ს და მის შვილს 1985 წელს დაბადებულ გ.გ.-ს, დიღმის მასივში, მათსავე საცხოვრებელ ბინაში, უცნობმა პირმა ცეცხლსასროლი იარაღიდან გასროლით ჭრილობები მიაყენა. გ.გ შემთხვევის ადგილზე გარდაიცვალა, ხოლო დ.გ. გადაყვანილია სამედიცინო დაწესებულებაში. ამ დროისთვის, შემთხვევის ადგილზე, მუშაობენ შინაგან საქმეთა სამინისტროს ექსპერტ-კრიმინალისტები და მიმდინარეობს აქტიური საგამოძიებო ღონისძიებები“-წერია განცხადებაში. ბოლო ინფორმაციით დოდო გუგეშაშვილი საოპერაციოშია გადაყვანილი და მის სიცოცხლეს საფრთხე არ ემუქრება, გამოძიება განზრახ მკვლელობის მცდელობის ფაქტზე მიმდინარეობს. 226 2-ს მოსწონს
|