Morning Star-ის ინფორმაციით სირიის ქალაქ რაქაში საერთაშორისო თავისუფლების კავშირის (IFB) წევრებმა, საბჭოთა კავშირის დროშა აღმართეს.

ფაქტის შემდეგ მედიასთან მონაწილეებმა განაცხადეს, რომ 1945 წლის სცენა გაიმეორეს. საუბარია ბერლინში რაიხსტაგზე დროშის აღმართვაზე.

"1945 წელს ფაშისტებზე გამარჯვება, ტერორისტულ დაჯგუფება "ისლამურ სახელმწიფოზე" გამარჯვებას უდრის. ჩვენ ვფიქრობთ, რომ რაქის აღება, ISIS-ფაშისტების დამარცხებას ნიშნავს" - განაცხადეს აქტივისტებმა.

შეგახსენებთ, რომ IFB - ის წევრები სირიის შეიარაღებულ ძალებთან ერთად რამდენიმე წელია ტერორისტებს ებრძვიან.