x
image
მანჩო 777
Mediator image
Mediator image
Mediator image
2017 წლის საუკეთესო გამოგონებები ტექნოლოგიებისა და დიზაინის სფეროში

პორტალმა My Modern Met, რომელიც აქვეყნებს სიახლეებს ტექნოლოგიებისა და დიზაინის სფეროში, წარმოადგინა სია 2017 წლის საუკეთესო გამოგონებებისა, რომლებმაც, პორტალის დირექციის აზრით, გადატრიალება მოახდინეს თავიანთ სფეროში.



image




მოდით, ერთად გავეცნოთ გამარჯვებულ ათეულს, რომლებიც პორტალის მიერ საუკეთესოდ იქნა აღიარებული.


image



Google Pixel Buds

image



ჭკვიანი უსადენო ყურსასმენები Google Pixel Buds მუშაობენ, როგორც ყურში ჩადგმული სინქრონული მთარგმნელები. ტელეფონში ჩამონტაჟებული Google-ის აპლიკაციის მეშვეობით ყურსასმენებს შეუძლიათ 40 ენიდან თარგმნა.


image

Tesla-ს მზის პანელები სახურავისათვის
image
2017 წელს ილონ მასკმა წარმოადგინა მზის ბატარეების 4 ტიპი, რომლებიც გამოიყენება, როგორც სახლის სახურავები და რომლებიც გამოიმუშავებენ მზის ენერგიას. "მზის სახურავების" ფასი საკმაოდ კონკურენტუნარიანი აღმოჩნდა, ასე რომ, მასკი 2018 წლიდან ასეთი სახურავების ნამდვილ ბუმს წინასწარმეტყველებს.
image
Adobe Cloak
image
გასულ წელს ჩატარებულ Adobe MAX 2017-ის კონფერენციაზე Adobe-მ წარმოადგინა მთელი რიგი პროგრამული სიახლეები, მათგან ყველაზე წარმატებული გამოდგა Adobe Cloak (სიტყვასიტყვით-მოსასხამი, ლაბადა). ეს პროგრამა საშუალებას იძლევა კვალის გარეშე წაიშალოს ვიდეოგამოსახულებიდან ზედმეტი ელემენეტები. სულ მალე ეს პროგრამა თავისუფალ გაყიდვაში გამოჩნდება.
image
შავი საღებავი Black 2.0
image

2017 წელს მხატვარმა სტიუარტ სეპლმა ბაზარზე გამოუშვა შავი საღებავი Black 2.0, რომელიც არის ყველაზე შავი, სწორი, პრიალა აკრილის საღებავი მსოფლიოში. ასე, რომ მკვეთრი, ღრმა შავი ფერის მოყვარულებს ეს საღებავი თავისუფლად შეუძლიათ შეუკვეთონ მხატვრის პირად საიტზე.

image

ჭკვიანი საათი ბრაილის შრიფტით

image

ბრაილის შრიფტიანი საათები შეიქმნა და პირველად ტესტირებას გადის სამხრეთ კორეაში. საათი Dot მხედველობადაქვეითებულ ადამიანებს საშუალებას აძლევს არამარტო დრო გაიგონ, არამედ წაიკითხონ ტექსტური შეტყობინებები.

image

საკვებად ვარგისი წყლის ბუშტები

image

საკვებად ვარგისი წყლის ბუშტები, სახელწოდებით Ooho - შეფუთვის ორიგინალური სახეა, რომელიც გარემოსათვის მავნე პლასტმასის ბოთლების შემცვლელია. წყალმცენარეების ექსტრაქტისაგან დამზადებულ ჭურჭელში შეიძლება ჩაისხას წყალი, ხილის წვენები და სხვა მსგავსი სითხეები. დაცლის შემდეგ ბუშტების გამოყენება თამამად შეიძლება საკვებად, მაგრამ თუ მათი გემო არ მოგეწონებათ, არც ეგაა პრობლემა: გადაგდებიდან 4-6 კვირის შემდეგ ისინი ბოლომდე დნებიან და წყლად იქცევიან. ნოვაციის ავტორმა - კომპანია Skipping Rocks Lab -ემ უკვე აიღო სოლიდური პრიზი გარემოს დაცვის განხრით.

image

დრონი-ფუტკარი Plan Bee

image

სტუდენტმა-დიზაინერმა ანა ჰეიდელვანგმა შექმნა უნიკალური მოწყობილობა-პეპელას ზომის მინიატურული დრონი, რომელიც ერთი ყვავილიდან მეორეზე გადადის და ახდენს მცენარეების დამტვერვას. ეს ინოვაცია ძალიან სასარგებლოა სოფლის მეურნეობისათვის. ანამ თავისი გამოგონება უკვე დააპატენტა და იმედი აქვს, რომ ის წარმოებაში ჩაეშვება მომდევნო წლიდან.

image

ჯულიან მელჩიორის ცოცხალი ჭაღი

image

ბიოტექნოლოგმა და სამრეწველო დიზაინერმა ჯულიან მელჩიორიმ გასულ წელს წარმოადგინა გასაოცარი, უნიკალური ცოცხალი ჭაღი "სუნთქვა". ის შედგება ცოცხალი წყალმცენარეებით ავსებული 70 ფურცლისაგან, რომლებიც ჟანგბადს გამოყოფენ და ჰაერს ასუფთავებენ. ჭაღი წარმოდგენილი იქნა ლონდონის დიზაინის ფესტივალზე და დაიმსახურა ჯილდო "წლის ახალგაზრდა ტალანტი".

image

''ქალაქის ხე''

image

ომპანია Green City Solutions-ის მიერ შემუშავებული ეგრეთ წოდებული "ქალაქის ხე" -ეს არის მწვანე სწორკუთხა კედელი, ზომით 3х4 მეტრი. სხვადასხვა ჯიშის ხავსისაგან შექმნილი კედელი ასუფთავებს ჰაერს და უთანაბრდება 275 ზრდასრულ ხეს, ანადგურებს დღეში 250 გრამ მტვერს, აზოტის დიოქსიდს და გამონაბოლქვ აირებს, ხოლო მზის პანელებთან ერთად კომპლექსში მას შეუძლია შეაგროვოს წვიმის წყალი და აკონტროლოს ნიადაგის მდგომარეობა. ''ქალაქის ხე" უკვე მსოფლიოს 25 დიდ ქალაქშია დამონტაჟებული, მათგან ყველაზე მეტი ინდოეთშია.

image

ხმაურის მარეგულირებელი ყურის საცობები Knops
image

ყურსაცობები Knops გარეგნულად ძალიან ჰგავს ყურსასმენებს, თუმცა მათგან განსხვავებით, ისინი ხმას კი არ გადასცემენ, არამედ პირიქით-ახშობენ. მარეგულირებელი ღილაკის საშუალებით შეგიძლიათ აირჩიოთ ხმაურის ის ნორმა, რომელიც მისაღებია თქვენთვის-სრული ხმოვანი პალიტრიდან დაწყებული ასევე სრული სიჩუმით დამთავრებული. სტარტაპი Knops გამოგონების დღიდანვე ჩაეშვა საცდელ წარმოებაში და პირველმა ბედნიერმა მფლობელებმა უკვე გამოსცადეს მათი გამოყენების შედეგად მიღებული სიამოვნება (მე თუ მკითხავთ, ძალიან საჭირო ნივთია, განსაკუთრებით ახალი წლის ღამეებში, როცა შუა ძილში ხარ და შენ ბახუსმორეულ მეზობელს ღამის ოთხ საათზე მოუნდება ფეიერვერკების გაშვება და ეგრეთწოდებული " ბომბაჩკების'' აფეთქება). პირადად მე სიამოვნებით შევიძენდი ამ ყურსაცობებს... რა თქმა უნდა, მისაღებ ფასად.
image
ტექნოლოგიები განუწყვეტლივ ვითარდება, ტექნიკური პროგრესი არნახული სიჩქარით მიექანება წინ და ცხადია, გამომგონებლები, დიზაინერები და მეცნიერები სულ უფრო და უფრო გასაოცარ ნივთებს, ტექნოლოგიებსა და მოწყობილობებს შემოგვთავაზებენ, რომლებიც ჩვენ ცხოვრებას უფრო მარტივს, სახალისოს და საინტერესოს გახდიან.
0
81
10-ს მოსწონს
ავტორი:მანჩო 777
მანჩო 777
Mediator image
Mediator image
Mediator image
81
  
კომენტარები არ არის, დაწერეთ პირველი კომენტარი
0 1 0