ლონდონში FIFA the Best დაჯილდოების ყოველწლიური ცერემონიალი გაიმართა. წლის საუკეთესო ფეხბურთელის ტიტული მეორედ ზედიზედ პორტუგალიელმა კრიშტიანუ რონალდუმ მოიპოვა, მწვრთნელების და ნაციონალური ნაკრების კაპიტნების 43% -მა ხმა პორტუგალიელ გარემარბს მისცა.

გარდა ამისა, ღონისძიებაზე კიდევ რამდენიმე ჯილდო იქნა გათამაშებული. მაგალითად, ჯანლუიჯი ბუფონი საუკეთესო მეკარედ დასახელდა, ხოლო ზინედინ ზიდანს - საუკეთესო მწვრთნელის ტიტული გადაეცა.წლის საუკეთესო გოლის ავტორი(პუშკაშის ჯილდო) ოლივიე ჟირუ გახდა ლონდონის"არსენალიდან"(ნახე ვიდეო)

წელს ლონდონში, სხვადასხვა დროის უამრავი ლეგენდარული ფეხბურთელი შეიკრიბა. დაჯილდოების ცერემონიალს ესწრებოდნენ დიეგო მარადონა, დიეგო ფორლანი, ფრენკ ლამპარდი და სხვები, კრიშტიანუ რონალდუ ცერემონიას მეგობარ ქალთან და შვილთან ერთად დაესწრო.

კრიშტიანუ რონალდუ მადრიდის „რეალის"გარემარბი და პორტუგალიის ეროვნული ნაკრების წევრი და კაპიტანია. მოგებული აქვს 2016 წლის ევროპის ჩემპიონატი, ჩემპიონთა ლიგა 4-ჯერ (2007-08, 2013-14, 2015-16, 2016-17) და ოქროს ბურთი 4-ჯერ (2008, 2013, 2014, 2016).

იხილეთ აგრეთვე