სხვა გამოძიების ფედერალურმა ბიურომ უაღრესად საშიში რუსი ჰაკერი დააკავა 2016, 24 აპრილი, 19:10 რუს ჰაკერს, ალექსანდრე პანინს ატლანტის სასამართლომ 9, 5 წელი ციხე მიუსაჯა.გამოძიების ფედერალურმა ბიურომ აღკვეთა მორიგი ახალი, უფრო სრულყოფილი ვირუსის SpуEye-ის გაშვება ინტერნეტქსელში. როგორც ანტლანტას საოლქო პროკურატურაში განაცხადეს, ეს "ტროს ცხენი" სახელწოდებით SpyEye 2.0 რომ გაშვებულიყო ქსელში, ის იქნებოდა ყველაზე უჩინარი და პროდუქტიული ვირუსი, რომელიც უდიდეს ზარალს მიაყენებდა ბანკებს და კერძო პირებს. პანინის იდენტიფიცირება ჯერ კიდევ 2011 წელს მოხდა, ალჟირელ ჰაკერ ჰამზი ბანდელაჯასთან ერთად, თუმცა საქმის მსვლელობა სრულიად საიდუმლოდ მიდიოდა, რათა სხვა ფიგურანტები არ დაეფრთხოთ. დაკავება
ალექსანდრე პანინი ქალაქ ტვერიდან არის, ქსელში ორი ნიკით იყო ცნობილი: "Грибодемон" და "Harderman". იგი 2013 წლის 1 ივლისს აიყვანეს, როდესაც ქალაქ ატლანტას გავლით მიფრინავდა.
პანინმა 2014 წელს დანაშაული აღიარა, თუმცა სასამართლო 2 წელი გაიწელა.მიზეზი ისაა, რომ 27 წლის პანინის საქმის დოკუმენტების უდიდესი ნაწილი სრულიად გასაიდუმლოებული იყო. როგორც გამოძიებამ დაადგინა, პანინის ვირუსისგან გამოწვეულმა ზარალმა ჯამური დანაკარგით, მილიარდი დოლარი შეადგინა.
ვირუსით ვაჭრობა
პროკურატურამ აღნიშნა, რომ 2010-2012 წლებში პანინის ვირუსით 50 მილიონი კომპიუტერი დაინფიცირდა. კომპიუტერში ვირუსის მოხვედრის შემდეგ ჰაკერს შეეძლო წვდომა ჰქონოდა კონფიდეციალურ ინფორმაციასთან. ესენია:ბანკის რეკვიზიტები, საკრედიტო ბარათების ნომრები, პაროლები და PIN-კოდები. პანინი და მისი თანამზრახველები ინტერნეტის მეშვეობით ყიდიდნენ ამ ვირუსს .ფასი 500$-ით იწყებოდა და 10 000$-ით მთავრდებოდა.როგორც გაირკვა პანინმა 150 კლიენტს მიჰყიდა ვირუსი.
პანინის თანამზრახველი ალჟირელი ბანდელაჯა, რომელიც ქსელში ცნობილი იყო ნიკით "Вх1", დააკავეს 2013 წლის 5 იანვარს, როდესაც ბანგკოკიდან მალაიზიის გავლით ალჟირში ბრუნდებოდა.
ორივეს ერთად სასამართლომ 24, 5 წელი მიუსაჯა, თუმცა გამოაკლო ორი წელი წინასწარი პატიმრობისა და სასჯელის ვადის 15% სანიმუშო ყოფაქცევის გამო.
399 5-ს მოსწონს
|