x
მეტი
  • 07.04.2020
  • სტატია:101006
  • ვიდეო:345700
  • სურათი:463785
ყველაზე, ყველაზე, ყველაზე... – ოცი საინტერესო ფაქტი მსოფლიოს ქვეყნების შესახებ
image


1. ქვეყანა, სადაც გისოსებს მიღმა ყველაზე მეტი ადამიანია - აშშ


image


როცა საქმე ეხება ადამიანის ციხეში ჩასმას, ამ ქვეყანას ბადალი არ ჰყავს ამ საქმეში. აშშ-ში ცხოვრობს დედამიწის მოსახლეობის მხოლოდ 5% და ამავე დროს მსოფლიოში არსებული პატიმრების 25% აშშ-ის ციხეებში სხედან - ეს არის დაახლოებით 2, 3 მილიონამდე ადამიანი. მეორე ადგილს ამ არცთუ საპატიო სიაში იკავებს რუსეთი-ქვეყანა, სადაც ცივილიზებულ სამყაროში ყველაზე ცოტა გამამართლებელი განაჩენი გამოაქვთ. აქ ციხეში 1, 5 მილიონამდე ადამიანი ზის. მესამე ადგილზეა ჩინეთი - 870 ათასი ადამიანით, - რაც, თუ გავითვალისწინებთ ჩინეთის მოსახლეობის რაოდენობას, არც ისე დიდი ციფრია.



2. ქვეყანა, სადაც ყველაზე მეტი მსუქანი ადამიანი ცხოვრობს - ნაურუ


image


ამ პატარა კუნძულოვანი სახელმწიფოს მოსახლეობის 97 %-ს აწუხებს ჭარბი წონა. მიზეზი გაინტერესებთ? - განსაკუთრებული არაფერი, უბრალოდ მათ ძალიან უყვართ ჭამა და ცოტას მოძრაობენ.



3. ქვეყანა, რომელიც სავარაუდოდ მალე აღმოჩნდება წყალქვეშ - მალდივის კუნძულები


image


მალდივის კუნძულების მოსახლეობას სერიოზულად ემუქრება წყალში ჩაძირვა-გლობალური დათბობის გამო კუნძულები ყოველწლიურად სულ უფრო და უფრო ღრმად იძირება წყალში.



4. ქვეყანა, რომელსაც ყველაზე მეტი საათობრივი სარტყელი გააჩნია - საფრანგეთი


image

თუ გავითვალისწინებთ, რომ საფრანგეთის ტერიტორია გაბნეულია მთელ მსოფლიოში (კუნძულოვანი მიწების ჩათვლით), ამ ქვეყნის "მფლობელობაშია" 12 საათობრივი სარტყელი, აშშ-ს აქვს 11, ხოლო რუსეთს - 9.



5. მსოფლიოში ერთადერთი ქვეყანა მარჯნისაგან დაგებული გზებით - გუამი


image


გუამში საერთოდ არ არსებობს ბუნებრივი ქვიშა, ამიტომ აქ გზებს მარჯნის და ნავთობისაგან მიღებული ასფალტით აგებენ.



6. ქვეყანა, სადაც ყველაზე მეტი ტბაა - კანადა


image

მსოფლიოს ტბების 60% კანადაში მდებარეობს. აქ 3 მილიონზე მეტი ტბაა, რომელთაც საერთო ჯამში ქვეყნის ტერიტორიის 9% უჭირავს.



7. ყველაზე გვალვიანი და მშრალი ქვეყანა - ლიბია


image


ლიბიის ტერიტორიის 90% დაფარულია უდაბნოებით. ქვეყნის ზოგიერთ რაიონში წვიმა ათწლეულების განმავლობაში არ მოდის.



8. ოპიუმის ყველაზე დიდი რაოდენობის მწარმოებელი ქვეყანა - ავღანეთი


image


აქ ღებულობენ მსოფლიოში წარმოებული ოპიუმის 95%-ს.



9. ქვეყანა, რომელიც მსოფლიოს ყველაზე მეტ ჟანგბადს აძლევს - რუსეთი


image


რუსეთში, კერძოდ კი ციმბირში ხარობს მსოფლიოში არსებული ხეების 25%. მათ მიერ დაკავებული ტყეების ფართობი უფრო მეტია, ვიდრე მთლიანად აშშ-ის ტერიტორია.



10. ქვეყანა, სადაც ყველაზე მცირე რაოდენობითაა ტყეები - ჰაიტი


image


ჰაიტიზე ტყეები პრაქტიკულად არაა - აქ ისინი მთლიანად გაჩეხეს. ეს შესამჩნევია თანამგზავრიდან გადაღებულ ფოტოებზეც კი - თქვენ კარგად შეგიძლიათ გაავლოთ საზღვარი ჰაიტისა და დომინიკის რესპუბლიკას შორის, სადაც ჯერ კიდევ არის ტყეები.



11. ყველზე არამშვიდობიანი ქვეყანა დედამიწაზე-სომალი


image

Global Peace Index-ის მონაცემების მიხედვით, სომალიმ გაუსწრო ერაყს და გახდა ყველაზე არამშვიდობისმოყვარე და ომებიანი ქვეყანა მსოფლიოში, რომელიც გამუდმებით ესხმის თავს მეზობელ ქვეყნებს. სომალელები იმყოფებიან როგორც განუწყვეტელი საომარი მდგომარეობის, ასევე მუდმივი რევოლუციების ქვეშ. ყველაფერი ეს განპირობებულია იმით, რომ სომალი უღარიბესი ქვეყანაა, სადაც მოსახლეობის დიდი ნაწილი შიმშილობს.



12. ყველაზე განათლებული ქვეყანა მსოფლიოში - კანადა


image

ამ ქვეყნის მოსახლეობის 50%-ზე მეტს აქვს მინიმუმ საშუალო სპეციალური განათლება. კანადას ფეხდაფეხ მოჰყვება ისრაელი-45% და იაპონია -44% (არადა მეგონა, საქართველო პირველ ადგილზე იყო დიპლომების რაოდენობის მიხედვით-ჩვენთან ხომ უბრალო ტაქსისტებსაც კი ორ-ორი დიპლომი აქვთ).



13. მსოფლიოს ყველაზე დიდი ქალაქი-სახელმწიფო – სინგაპური


image

სინგაპური ამავე დროს ითვლება ყველაზე უსაფრთხო ქალაქად მთელ მსოფლიოში.



14. ქვეყანა, რომელსაც ყველაზე მეტი ენა აქვს – პაპუა-ახალი გვინეა


image

მიუხედავად იმისა, რომ ამ ქვეყანაში ინგლისური ენა ოფიციალურ ენად ითვლება, სინამდვილეში ეს წმინდა წყლის ფორმალობაა: აქ ინგლისურ ენაზე მხოლოდ მოსახლეობის 2% საუბრობს. პაპუა-ახალი გვინეის მოსახლეობა იყენებს 820 სხვადასხვა ენას, რაც მსოფლიო ენების 12%-ს შეადგენს.



15. ქვეყანა, სადაც ერთ სულ მოსახლეზე ყველაზე მეტი ცხვარი მოდის-ფოლკლენდის კუნძულები


image

აქ სულ 3000 ადამიანი ცხოვრობს და ... 500 000 ცხვარი. გასაკვირი არაა, რომ შალის იმპორტი ქვეყნის შემოსავლის ძირითად წყაროს შეადგენს.



16. ყველაზე ნაკლებად დასახლებული ქვეყანა – მონგოლეთი


image

ქვეყნის მოსახლეობის სიმჭიდროვე 1, 5 კვადრატულ კილომეტზე 4 ადამიანს შეადგენს. შეადარეთ ეს ჰონ-კონგის ცენტრალური რაიონის მონგ კოკის მოსახლეობის სიმჭიდროვეს, სადაც 1, 5 კვადრატულ კილომეტრზე 340 ათასი ადამიანი მოდის.



17. ქვეყანა, რომელსაც ყველაზე მეტი ტანკი აქვს – რაღა თქმა უნდა, რუსეთი


image

რუსეთში ითვლიან სულ 21 ათას ტანკს, მეორე ადგილზეა აშშ - 16 ათასი ტანკი



18. ქვეყანა, სადაც ახალგაზრდების რაოდენობა ყველაზე მეტია – ნიგერია


image

ნიგერიის მოსახლეობის ნახევარზე მეტი 15 წლამდე ასაკის ახალგაზრდაა. რადგან ქვეყნის ტერიტორიის 80% უდაბნოებითა დაფარული, მოსახლეობას, როგორც ჩანს, ბავშვების კეთების მეტი სხვა საქმე არა აქვს.



19. ქვეყანა ემიგრანტების ყველაზე დიდი რაოდენობით – მალტა


image

უკანასკნელ წლებში მალტაში მიმდინარე რამოდენიმე ეკონომიკური კრიზისის და შობადობის მაღალი მაჩვენებლის გამო მალტამ განიცადა ემიგრაციის რამოდენიმე ძლიერი ტალღა, რამაც ქვეყანა მიიყვანა იქამდე, რომ დღისათვის მალტის ფარგლებს გარეთ ცხოვრობს უფრო მეტი მისი მოქალაქე, ვიდრე თავად ქვეყანაში (აქაც არ გაგვიმართლა ქართველებს, პირველი ადგილი ვერ დავისაკუთრეთ, თუმცა ყველაფერი წინაა და თუ ასეთი ტემპით გაგრძელდა ქართველების მიგრაცია, მგონი ჩვენ მალე გავუსწრებთ მალტას).



20. ყველაზე მრავალფეროვანი ქვეყანა მსოფლიოში – ინდოეთი


image

თითქმის ყველა სფეროში - იქნება ეს კუტურული, ეკონომიკური, კლიმატური, რასობრივი, ენობრივი, ეთნიკური, რელიგიური თუ ეკონომიკური, ინდოეთი ითვლება ყველაზე მრავალფეროვან ქვეყნად მსოფლიოში.

11
1562
19-ს მოსწონს
ავტორი:მანჩო 777
მანჩო 777
Mediator image
Mediator image
Mediator image
1562
  
2015, 12 დეკემბერი, 14:38
ბევრი ბევრი პლიუსი ამ სტატიას
2015, 27 ივნისი, 22:40
გმადლობთ :)
2015, 27 ივნისი, 21:30
საინტერესოა! მიყვარს ასეთი სტატიები
2015, 18 იანვარი, 15:45
გმადლობთ:)
2015, 18 იანვარი, 2:30
ძალიან საინტერესო სტატიაა მომეწონა ;)
2015, 17 იანვარი, 22:38
ნიგერიაში..და მსგავს ქვეყნებში. საშუალოდ 40 წელი ცოცხლობენ....და იიტომაა ახალგაზრდების დიდი რადენბა...
2015, 17 იანვარი, 20:58
მადლობა, ინ:""*
2015, 17 იანვარი, 20:51
კარგი იყო
2015, 17 იანვარი, 20:28
აი ხო ვთქვი ინდოეთი საინტერესოათქო :P
2015, 17 იანვარი, 19:50
მადლობა, გაიხარე:)
წინა კომენტარების ნახვა
0 0 10