The Daily Mirror-ის ცნობით, ლოს-ანჯელესის მცხოვრები, ჯორჯ პრიორი (George Prior) ერთი თვის მანძილზე ყოველდღე 10 ქილა კოკა-კოლას სვამდა. ამას იგი მხოლოდ ექსპერიმენტის გამო აკეთებდა, რომელც თავადვე წამოიწყო, რათა ხალხისთვის ეჩვენებინა, რა გავლენა შეიძლება იქონიოს ორგანიზმზე გადაჭარბებული შაქრის მიღებამ. პარალელურად იკვებებოდა ნახშირწყლების დაბალი შემცველობის მქონე საკვებით: უცხიმო ხორცით, ბოსტნეულითა და კენკრით.

ექსპერიმენტის დასასრულს, ანუ ერთი თვის შემდეგ, პრიორის წონა გაიზარდა 76-დან 86 კილოგრამამდე. არტერიული წნევა კი 129/77-დან 145/96-მდე გაიზარდა. აღსანიშნავია, რომ აგვარი მონაცემები სერიოზულად ზრდის გულის დაავადებებისა და ინსულტის საფრთხეს.

ამას გარდა, პრიორი აღნიშნავს, რომ თანდათან ამ სასმელის მიმართ ძლიერ დამოკიდებულებას განიცდის და ხშირად უნდება ტკბილეული, მიუხედავად იმისა, რომ აქამდე ტკბილი არ უყვარდა.

შეგახსენებთ, რომ 100 გრამ კოკა-კოლაში 10, 2 გრ. შაქარი შედის.

ასე რომ, გაითვალისწინეთ ექსპერიმენტის შედეგები...