ალბათ, ბევრს გსმენიათ იმის შესახებ, რომ ადამიანის ფსიქიკაზე სერიოზულ გავლენას ახდენს ინტერნეტი და სხვადასხვა სოციალური ქსელები. ეს არის 21-ე საუკუნის სენი, ადამიანი მართლაც, რომ ძალიანაა დამოკიდებული ინტერნეტზე. ამის ნათელი მაგალითი, ერთ-ერთი სამწუხარო და შემზარავი ფაქტი გახდა. ორმა მოზარდმა თავის თანაკლასელი ტყეში შეიტყუა და დანით მრავალი ჭრილობა მიაყენა, რის შედეგადაც გოგონა გარდაიცვალა. დამნაშავე მორგან გეიზერი და ანისა ვეინერი, რომლებიც მეგობრის მკვლელობისთვის დააპატიმრეს, აცხადებენ, რომ დანაშაული მათ იმიტომ ჩაიდინეს, რომ განემტკიცებინათ მითი მაღალ კაცზე, (ცნობილია, როგორც slenderman) რომელიც ხალხს ხოცავდა. ინტერნეტში მრავლადაა მისი ვიდეო თამაშები, ფოტოები და საშიში ისტორიები. გოგონებმა მის შესახებ სწორედ ინტერნეტის მეშვეობით გაიგეს, რაზეც გამომძიებელსაც მოუთხრეს. გოგონებმა მსხვერპლი წინ წაიმძღვარეს, რათქმაუნდა მოტყუებით. ერთმა დამნაშავემ ის გააკავა და მეორემ კი ზურგში 19–ჯერ დაარტყა დანა. მიყენებული ჭრილობების შემდეგ ის მიწაზე დააწვინეს და უთხრეს არ განძრეულიყო. იმედი ჰქონდათ, რომ გოგონა სისხლისგან დაიცლებოდა. ორ არასრულწლოვანს როგორც უფროსებს ისე გაასამართლებენ. მათ 65 წელი ციხე ელოდებათ. გოგონები მკვლელობას ჯერ მსხვერპლის საწოლშივე გეგმავდნენ, თუმცა გადაიფიქრეს და არჩევანი ტყისპირა პარკზე შეაჩერეს, სადაც მკვლელობა კარგად დაგეგმეს. ანისა ყვება: "დავინახე მორგანი როგორ იქნევდა დანას, მე კი ქამარში ხელჩავლებულს მეჭირა და ვაკავებდი. თან თავში მომდიოდა აზრები –ღმერთო ჩემო, ეს ნამდვილად ხდება!" საბოლოოდ რა განაჩენი გამოუტანეს ანისა ვეინერსა და მორგან გეიზერს უცნობია, თუმცა სავარაუდოდ მათ მთელი ცხოვრების ციხეში გატარება მოუწევთ. სამწუხაროა, რომ ერთი შეხედვით უცოდველმა ბავშვებმა ასეთი საზარელი მკვლელობა ჩაიდინეს. თუ მართლაც ასეთი ძლიერი გავლენა აქვს ინტერნეტ სივრცეს ახალ თაობაზე, მაშინ ნამდვილად გვაქვს შეშფოთების მიზეზი.