მსახიობი თინა მახარაძე მუდამ საზოგადოების ყურადღების ცენტრშია. საზოგადოებამ სერიალიდან "გოგონა გარეუბნიდან" გაიცნო, ახლა კი პოპულარულ სერიალ "ჩემი ცოლის დაქალებში" მოგვევლინა. თინა სულ ცოტა ხნის წინ გულწრფელი განცხადებების გამო დიდ ჭორების ქარ-ცეცხლში გაეხვა და ბევრმა საზოგადოებისათვის ნაცნობმა, თუ უცნობმა სახემ გულიანად ლანძღა.

სულ ცოტა ხნის წინ კი თინამ ინტერნეტსივრცე ნახევრადშიშველი ფოტოებით დაიპყრო. "მართლა ახალგაღვიძებული, მართლა ჩემს სახლში და მართლა მე. მე ვარ მსახიობი, არ ვარ მოდელი, არ მაქვს იდეალური თუ რაღაცნაირი პარამეტრები, ვარ 160 სმ (ჯიპისის სასწორს თუ დავუჯერებთ, მაგდენიც არა.) 45 კგ, უმაკიაჟო და უფოტოშოპო, უგლამურო და უმაქმანო. ხოდა ყველაზე მნიშვნელოვანი მესიჯი, რაც ამ ფოტოებში ჩავდე, არის ის რომ, სინამდვილე და სიახლე ასწორებს. მაგრამ თქვენ ხმა მაინც ნიკა მელიას მიეცით"-წერდა თინა სოციალურ ქსელში.

ნახევრადშიშველმა ფოტოებამ და ნიკა მელიას მხარდაჭერამ საზოგადოება გააოცა. ეს ყველაფერი ხუმრობა იყო, მეტიც მსახიობი თურმე მერობის კანდიდატს სულაც არ იცნობს. "არ ვიცნობ ნიკა მელიას, პიროვნულად არანაირი შეხება არ მაქვს. უბრალოდ მხარს ვუჭერ როგორც ''ნაციონალური მოძრაობის'' კანდიდატს. მინაწერიც აქედან გამომდინარეობს"-განაცხადა თინამ.

ვუსურვოთ თინას წარმატებები და ბედნიერი მომავალი...