ყველაფერი სოციალურ ქსელში მიმოწერით დაიწყო, რასაც ტარიელის თბილისში ვიზიტი, პირველი პაემანი და სცენაზე ხელის თხოვაც მოჰყვა, თანაც პირდაპირ პროექტ "ნიჭიერის" სცენარზე. რომანი ქორწინებით დაგვირგვინდა. ია ფარულავა 21-ე საუკუნის კონკიად იქცა, რომლისაც ბევრ ქალს შეშურდა. სამწუხაროდ ურთიერთობა მალევე დაეძაბათ. ტარიელმა საყვარელი მეუღლე "მიშა პარიკმახერთან" მიმოწერაში ამხილა. წყვილმა სკანდალების შემდეგ ურთიერთობა დაალაგა და კვლავ ერთად განაგრძობს თანაცხოვრებას. წყვილი სუროგატი დედის მეშვეობით შვილის გაჩენას გეგმავს, უნდათ მშობლები იყვნენ და საერთო შვილიც ჰყავდეთ.

ტარიელი ამტკიცებს, რომ აწი მათ ცხოვრებაში სხვა კონკრეტული ადამიანები, იქნებიან ესენი მექისეები, საპოჟნიკები, პარიკმახერები თუ ვიღაც სხვები, ვეღარ ჩაერევიან. მუსიკოსის მტკიცებით მასსა და იას შორის კონფლიქტი სწორედ მესამე ადამიანების წყალობით მოხდა. "ჩვენი კონფლიქტი არსაიდან არ წამოსულა, ჩვენ შორის ვერ იქნება კონფლიქტი, რადგან, ერთნაირი ფასეულობები და ხედვა გვაქვს – თითქმის ყოველთვის ემთხვევა ჩვენი ხედვა ერთმანეთს. გაზაფხულს ჩემზე ნამდვილად არ უმოქმედია ცუდად. ია ამ დროს დაბნეული იყო და თვითონ არ იცოდა, რას ლაპარაკობდა, საიდან რა ეთქვა, როგორ გაემართლებინა სიტუაცია"-ამტკიცებს ტარიელი. ტარიელი და ია საზოგადიოებრივი თავშეყრის ადგილებში კვლავ ერთად ჩნდებიან. ვუსურვოთ წყვილს წარმატებები და ბედნიერი მომავალი...