ცნობილ მომღერალ ქალბატონს- ჟანა ფრისკეს ექიმებმა თავის ტვინის უმძიმესი დაავადება–გლიობლასტომა დაუდგინეს. მომღერალი თავის ტვინის სიმსივნითაა დაავადებული, ექიმების დასკვნით ოპერაცია უკვე უშედეგოა, რადგან ავადმყოფობა ბოლო, მეოთხე სტადიაზეა.
LifeNews–ის ინფორმაციით მომღერალი უცხოეთშია წაყვანილი სამკურნალოდ.
გლიობლასტომა თავის ტვინის ერთერთი ყველაზე აგრესიული სახეობაა. სიმსივნის მთლიანი ამოკვეთაც კი არაა სრული განკურნების გარანტია.
ჟანა ფრისკეს ახლობლებმა ოფიციალური განცხადება გააკეთეს ცნობილი მომღერლის ავადმყოფობაზე.
მომღერლის პრეს–მდივნის ანისა აშიკუს განმარტებით, მომღერლის სამოქალაქო მეუღლემ დიმიტრი შეპელევმა დაადასტურა მომღერლის ავადმყოფობა და საზოგადოებას სთხოვა ილოცონ მისი მეუღლის გადასარჩენად.
ჩვენს ოჯახს მძიმე განსაცდელის დრო დაუდგა. ჟანა სიმსივნის მძიმე ფორმითაა ავად. ჩვენ ვაგრძელებთ ბრძოლას ჟანას გადასარჩენად, მოგმართავთ თხოვნით–ილოცოთ ჟანას გადასარჩენად, რათა ჟანა დაუბრუნდეს ოჯახს და პატარა შვილს, რომელიც შარშან შეგვეძინა–განაცხადა მომღერლის საიტზე მისმა მეუღლემ.
შარშან აპრილის თვეში ჟანას შეეძინა ბავშვი ამერიკის შეერთებულ შტატებში (მაიამი), თუმცა საზოგადოებას გაუკვირდა მომღერლის "გაქრობა" სცენიდან, რადგან ზაფხულში იგეგმებოდა მისი კონცერტები. ასევე იგეგმებოდა მისი გამოსვლა "ახალი ტალღის" კონკურსზე, თუმცა ეს გამოსვლები არ შედგა, მიზეზი კი ჟანას ავადმყოფობა გამოდგა.
ინფორმაცია ცნობილი მომღერლის ავადმყოფობაზე LifeNews–მა გაავრცელა 15 იანვარს. იმავე დღს ცნობილი მომღერალი სასწრაფოდ იქნა გადაყვანილი უცხოეთში სამკურნალოდ.
მომღერალი დააფიქსირეს "შერემეტიევოს" აეროპორტის სამედიცინო პუნქტში, ფრისკე სამედიცინო პუნქტში სამედიცინო "საკაცით" იქნა მიყვანილი.
ვუსურვოთ მომღერალს გამოჯანმრთელება.