კახეთში თავს დამტყდარი უბედურება და ზარალი არ აკლდა ქვეყანას, რომ ამ დილით ახალი ინფორმაცია ვრცელდება სოფელ დვანში მომხდარი ინციდენტის შესახებ. საქმე ეხება რუსი სამხედროების მიერ სასაზღვრო - სადემარკაციო სამუშაოების განახლებას. არ ახალია, მაგრამ ძველი დაწყებული საქმის გაგრძელებაზეა საუბარი - რუსმა სამხედროებმა მავთულხლართების გამაგრება კვლავ გააგრძელეს და როგორც სხვადასხვა საინფორმაციო სააგენტოები იუწყებიან, ამჟამად საზღვარმა 600 მეტრით გადმოიწია.აღნიშნულზე ტელევიზია "რუსთავი - 2" ის ეთერში ჩართვისას სოფელ დვანის ტერიტორიული ორგანოს რწმუნებულმა ზაზა კოპაძემ გააკეთა: - " რუსი სამხედროები გუშინ დილითაც მუშაობდნენ ამ ადგილას. დღეს კი გამოჩნდნენ ერთი მსუბუქი და ერთი სატვირთო მანქანით.ბოძები მოიტანეს, დაახლოებით 10 სამხედროა და საზღვარს ამაგრებენ, სულ ცოტა 600 მეტრით მაინც გადმოსწიეს საზღვარი" - განაცხადა რწმუნებულმა.ცნობილი გახდა, რომ ისინი "ჯპს"-ით ხელმძღვანელობენ და 1922 წლის რუკას იყენებენ. სამუშაოების გაგრძელების შემთხვევაში სავარაუდოდ მოსახლეობა 60 ჰექტარ მიწას დაკარგავს.

სოფელ დვანში სამხედროებმა პირველად საზღვარი ჯერ კიდევ 2 თვის წინ გადმოსწიეს. ახალმა საზღვარმა სოფლის სასმელი და სარწყავი წყლის სათავე - ნაგებობებსა და ადგილობრივი მოსახლეობის სახნავ -სათესი სავარგულების გარკვეული ნაწილი გაიარა.

გუბერნატორ ზურაბ ჩხაიძის განცხადებით, 500 მეტრით მოხდა ადმინისტრაციული საზღვრის გადმოწევა და შესაბამისად საზღვრის გამაგრებითი სამუშაოებიც მიმდინარეობს.