სატელევიზიო, საინფორმაციო საშუალებებით საზოგადოება 26 მაისს - საქართველოს დამოუკიდებლობის დღეს მოსალოდნელი სიახლეების შესახებ ინფორმირებული გახდა, რაზეც განცხადება თავდაცვის მინისტრმა ირაკლი ალასანიამ გააკეთა.როგორც ალასანია აცხადებს, 26 მაისის აღლუმისთვის მზადება უკვე მიმდინარეობს, დეტალების გამჟღავნებისგან მინისტრმა თავი შეიკავა, თუმცა საზოგადოებას აცნობა, რომ აღლუმი სამხედრო კომპონენტებთან ერთად სხვადასხვა ღონისძიებებით იქნება დატვირთული.

აღლუმის პოლიტიკური დატვირთვა გახდა განხილვის საგანი პოლიტიკოსებისვის.დაესწრება თუ არა ქვეყნის მთავარსარდალი 26 მაისის აღლუმს? რა ფორმით ჩატარდება და იქნება თუ არა მცდელობა კიდევ ერთხელ "კოჰაბიტაციის" გამოვლენისა მთავრობასა და პრეზიდენტს შორის? იქნება თუ არა მცდელობა დღეს მოქმედი კონსტიტუციის დარღვევისა?ეს ის კითხვებია, რომელიც პოლიტიკოსებთან ერთად სამოქალაქო საზოგადოებასაც აინტერესებს.

უმაღლესი საკანონმდებლო ორგანოს წარმომადგენლები ერთგვაროვნად აფასებენ 26 მაისის ღონისძიებას და ამბობენ, რომ აღლუმი ქართველმა ერმა უნდა ჩაიბაროს და არა ერთეულმა პიროვნებებმა.

საქართველოს დამოუკიდებლობის დღეს ქვეყანა მე-18 აღნიშნავს.ბოლოს 26 მაისი 2004 წელს აღსდგა და არასოდეს დაავიწყდება საზოგადოებას, 2011 წელს როგორ აღნიშნა ქართველმა ხალხმა საქართველოს დამოუკიდებლობის დღე - 26 მაისი.

პრეზიდენტი მიხეილ სააკაშვილი ჯერჯერობით განცხადებას არ აკეთებს 26 მაისის აღლუმთან დაკავშირებით.მოგეხსენებათ, საქართველოს კონსტიტუციით დღეს მოქმედი პრეზიდენტი ანუ ქვეყნის მთავარსარდალი მეზობელ სახელმწიფოში იმყოფება ვიზიტით და სავარაუდოდ განცხადებებსაც უნდა ველოდოთ პრეზიდენტის მხრიდან კარს მომდგარ ეროვნულ დღესასწაულთან დაკავშირებით.