ნანკა კალატოზიშვილი ერთ-ერთი ცნობილი მსახიობთაგანია. მასზე ბევრ ჭორს გაიგებთ, მაგრამ თვითონ ამ ყველაფერზე ნაკლებად რეაგირებს. ნანკა ყოველთვის თავისუფლად იქცევა, თავს არაფერში იზღუდავს. ის კალათბურთელ ირაკლი კედიასთან ერთად ცხოვრობს. წყვილი ჯერ არ დაქორწინებულა. ნანკა ამბობს, ბეჭედდასმული ურთიერთობა არ მჭირდება მე და კედო ისეც ერთი პატარა ლამაზი ოჯახი ვართო. ნანკა უკვე შვიდი თვის ორსულია და სულ მალე ბიჭის დედა გახდება. ამ ბოლო დროს ხალხში გასვლას ერიდება, რადგან ყველგან ვირუსებია მოდებული. თავისუფალ დროს წიგნს კითხულობს, ფილმებს უყურებს და ვარჯიშობს. ძალიან უნდა "მინი კედო" (ასე ეძახის შვილს) მალე გაჩნდეს და მასზე იზრუნოს.
ბავშვისთვის სახელი უკვე შერჩეული აქვს, მაგრამ შესაძლოა მის დაბადებამდე აზრიც შეიცვალოს. ახლა კი თავად ნანკას მშობლებზე გიამბობთ. ნანკა ირწმუნება, რომ მის მშობლებს ერთმანეთი ძალიან უყვარდათ. "მამამ დედა შემთხვევით ნახა მეტროპოლიტენში და დანახვისთანავე მოეწონა. მეორედ რომ ნახა, გამოელაპარაკა. მოგვიანებით უკვე რუსთაველზე ხვდებოდნენ ერთმანეთს. მამას "ლაღიძის წყლების" წინ უყვარდა დგომა. დედაც მეგობრებთან ერთად ჩაისეირნებდა ხოლმე რუსთაველზე და მერე ყველა ერთად მიუყვებოდა გამზირ მამას დედა ისე უყვარდა, რომ ყოველდღე სამსახურამდე ფეხით მიაცილებდა. დამშვიდობებისასაც კოცნიდა და შეხვედრისასაც. დედას თანამშრომლებს ერთხანს ის მისი საყვარელიც კი ეგონათ"-გვიამბობს ნანკა. მსახიობს მამა ძალიან უყვარდა, სახელით მიმართავდა და გაუგებრობა მასთან მხოლოდ ერთხელ ჰქონდა. პატარა ნანკამ მამას მოატყუა, რაღაცაზე უთხრა ვჭამეო, მაგრამ ყველაფერს მიუხვდენენ. გაბრაზებული მამა გოგონას ხმას აღარ სცემდა, გაებუტა. ნანკამ მამასთან მიირბინა და კალთაში ჩაუჯდა, ცხადია უხმოდ შერიგდნენ... მსახიობს მეტი ქონფლიქტი მამასთან არ ჰქონია და ეს ძალიანაც უხარია. სამწუხაროდ 14 წლის ნანკას მამა გარდაეცვალა, ბატონი ვოვა 41 წლის გახლდათ, როდესაც აფხაზეთის ომში წავიდა და სამ დღეში დაიღუპა. ნანკას მამა ძალიან ენატება და აკლია. ვუსურვოთ მას წარმატებები...