"აგრარულ უნივერსიტეტს ავტორიზაცია გაუუქმეს. მოვეკიდოთ გაგებით" ... ეს სიტყვები კახა ბენდუქიძემ ავტორიზაციის სხდომის დასრულებისთანავე, გამთენიისას საკუთარი ფეისბუქის გვერდზე დაწერა.

შეგახსენებთ რომ, განათლების ხარისხის ცენტრმა აგრარული უნივერსიტეტის შემოწმება 3 იანვარს დაიწყო. აგრარულ უნივერსიტეტში მონიტორინგის ჯგუფის შესვლის მიზეზი ამ უნივერსიტეტიდან გათავისუფლებული თანამშრომლების საჩივარი გახდა.

აგრარული უნივერისტეტის სტუდენტებმა უმაღლეს სასწავლებელს მხარდაჭერა მანიფესტაციით გამოუცხადეს . სტუდენტები აქციის გამართვამდე მოითხოვდნენ უშუალოდ განათლების მინისტრ გიორგი მარგველაშვილის სტუმრობას უნივერსიტეტში, რათა ის ადგილზე გაცნობოდა სწავლის ხარისხს. ამ მოთხოვნის დაუკმაყოფილებლობის შემდეგ კი სამართლიანი დასკვნის მოთხოვნით განათლების ხარისხის ცენტრთან შეიკრიბნენ.