პამუკალე - "ბამბის ციხე" ბუნებრივი თერმული წყლები მდებარეობს თურქეთში დენიზლის პროვინციაში. წყალი რომელიც მთიდან ჩამოდის ქმნის კირქვის ბუნებრივ ავზებსა და კედლებს. ქათქათა თეთრი ტერასები მთის ფერდობზე წარმოიქმნა კალციუმით გაჯერებული თერმული წყლების მარილების ნადებით. 1988 წელს პამუკალე იუნესკოს მსოფლიო კულტურული მემკვიდრეობის ძეგლთა დაცვის სიაში შეიტანეს.