შოუბიზნესი სოფო ნიჟარაძე ისევ თბილისშია! 2012, 5 ნოემბერი, 17:10 ბოლო დროს ვრცელდებოდა ინფორმაცია, რომ ქართველი მომღერალი სოფო ნიჟარაძე ხმელთაშუა ზღვის ერთ-ერთ კურორტ, კუშადასზე ისვენებდა. თუმცა გაირკვა, რომ ის იქ მხოლოდ სამ დღიან ფესტივალზე მონაწილეობის მისაღებად იმყოფებოდა. ასე ვთქვათ "გაქცევის" ვერსიას ის ფაქტი ამძაფრებდა, რომ ცოტა ხნის წინ მედია საშუალებები აჭრელდა მისი ფრაზით, რომელიც დავით გოგიშვილს უთხრა. საუბარია იმაზე, რომ როდესაც სოფო "ვერის უბნის მელოდიების" დასრულების შემდეგ ფილარმონიის დიდ საკონცერტო დარბაზს ტოვებდა, საპროტესტო აქციას გვერდი ჩაუარა და მასში მონაწილე დავით გოგიშვილს მიმართა ფრაზით: "ციყვი არ გრცხვენია?" ამ ფრაზამ საზოგადოების დიდი ნაწილის გაღიზიანება გამოიწვია და ღიად დაიწყო მის მიმართ უარყოფითი ემოციების გამოხატვა. ამ ყველაფერს საეჭვოდ დაემთხვა ის, რომ სოფო როგორღაც თვალს მიეფარა... გუშინ, გვიან ღამით მან საკუთარი "ფეისბუკი"-ს საშუალებით თვითონვე გაასაჯაროვა თავისი ადგილსამყოფელი. დააფიქსირა, რომ იმ მომენტში იმყოფებოდა თბილისში, კონკრეტულად კი სასტუმრო "Holiday Inn Tbilisi"-ში. მისი"პოსტით" თუ ვიმსჯელებთ, სავარაუდოდ მომღერალმა დაბრუნების აღსანიშნავი პატარა წვეულება მოაწყო. "რამდენი ვააართ :-) " დაწერა სოფომ და ასევე მეგობრებსაც აქტიურად მოუწოდა შეერთებოდნენ მხიარულებას. კომენტარებში კი რამდენჯერმე აღნიშნა თუ როგორ მოენატრა მეგობრები. სოფო ნიჟარაძე თბილისს უკვე დაუბრუნდა, მაგრამ როდის დაუბრუნდება ის ტელეეკრანებს უკვე სხვა საკითხია. 3904 9-ს მოსწონს
|