მომღერალმა სოფია როტარუმ უკრაინის შეიარაღებულ ძალებს წმინდა ნიკოლოზის ხსენების დღე არაჩვეულებრივად მიულოცა. მან სოციალურ ქსელში გამოაქვეყნა ღია ბარათი, სადაც ნაჩვენებია მოხუცი მამაკაცი, რომელიც უკრაინელი ჯარისკაცის კალთაში უზის. თუმცა ცოტა ხანში პოპ-ვარსკვლავმა პოსტი წაშალა.

ამ წლიდან უკრაინელი სქიზმატიკოსები წმინდა ნიკოლოზის დღეს აღნიშნავენ არა 19 დეკემბერს, როგორც თითქმის მთელი მართლმადიდებლური სამყარო, არამედ 6- დეკემებერს ანუ კათოლიკეებთან ერთად.

სხვათა შორის ეს არის რუსეთთან დაშორების და დასავლეთისკენ გადადგმული კიდევ ერთი ნაბიჯი. სწორედ ამიტომ გამოჩნდა როტარუს სადღესასწაულო პოსტი თვის დასაწყისში.

საფოსტო ბარათზე გამოსახულია სამხედრო ოფიცერი, რომელსაც კალთაში წვერშეჭარაღარევებული წმინდა ნიკოლოზი უზის. უკრაინელის სამხედროს ფიგურა შესამჩნევად აღემატება წმინდანს, ის მამაშვილურად ეხვევა მოხუცს, თითქოს ზრუნავს და იცავს სასწაულთმოქმედის პატარა, მყიფე ფიგურას.

ამგვარად, ავტორები, როგორც ჩანს, ხაზს უსვამენ, რომ უკრაინის ეკლესიის ცხოვრებაში ბოლო წლების ყველა სასწაულებრივი ცვლილება განპირობებულია ექსკლუზიურად სწორედ მეომრებით.

პოსტის გამოქვეყნებით როტარუმ კიდევ ერთხელ ნათლად და ცალსახად დაანახა საზოგადოებას, თუ ვის მხარეზეა.

რუსებს სწყინთ, რომ უკრაინაში დაბადებულ და გაზრდილ მოლდაველ მომღერალს, რომელმაც პოპულარობას რუსეთში მიაღწია, ამ ომში უკრაინის მხარე უჭირავს, ამიტომ ნებისმიერ პუბლიკაციაში ცდილობენ უკბინონ მომღერალს.