მაღალი ხარისხის ფეხსაცმელიც კი ერთ დღეს კარგავს მიმზიდველ გარეგნობას და ცვდება. თქვენი საყვარელი ჩექმის სიცოცხლის გახანგრძლივების მრავალი გზა არსებობს, მაგრამ დღეს ჩვენ ვისაუბრებთ იმაზე, თუ როგორ დაუბრუნოთ ძველ ფეხსაცმელს ახალი იერი.

როგორ ვაჩუქოთ ძველ ფეხსაცმელს ახალი სიცოცხლე - ხრიკები

როგორ დავუბრუნოთ გაცვეთილ ფეხსაცმელს ძველი იერი და რა შეიძლება გამოვიყენოთ ამისათვის?

1. აკრილი.

თუ ფეხსაცმელს გაუჩნდა ნაკაწრები ან ბზარები, აკრილს შეუძლია ყველა ეს ნაკლოვანება დაფაროს, რაც ძალზედ მარტივია. გაწმინდეთ ფეხსაცმელი აცეტონით, როდესაც ის გაშრება, წაუსვით ხარვეზებზე აკრილის სქელი ფენა. (მნიშვნელოვანია, რომ აკრილი თქვენი ფეხსაცმლის შესაფერისი ფერის შეარჩიოთ) გააშრეთ საღებავი კარგად და მოაცილეთ ზედმეტი სქელი ფენა. ის ახალივით იბრწყინებს.

2. ცვილი.

უკეთესი იქნება თუ პროდუქტი შეიცავს ბუნებრივ ფუტკრის ცვილს, რადგან ამ შემთხვევაში შედეგი უფრო კარგი იქნება და დიდხანს გაგრძელდება. აუცილებელია, რომ ფეხსაცმელი ჯაგრისით ჯერ კარგად გაწმინდოთ, რომ ჭუჭყი და მტვერი არ ჰქონდეს, შემდეგ კი, როდესაც ის კარგად გაშრება, ცვილის სქენი ფენა წაუსვით. დააცადეთ 15 წუთი, მოაცილეთ ცვილი და იგივე გაიმეორეთ ცვილით გაპოხვა 2-ჯერ კიდევ. შედეგით გაოცდებით.

3. Ზეითუნის ზეთი.

წაუსვით ზეითუნის ზეთი სუფთა ფეხსაცმელს და დატოვეთ სანამ ფეხსაცმელი მთლიანად არ შეიწოვს მას. შემდეგ ფეხსაცმელს ზეთის კიდევ ერთი ფენა წაუსვით. ყურადღება - თუ ფეხსაცმელი გახეხილია, ზეთის წასმის შემდეგ შემოახვიეთ თბილი ქსოვილი და ზემოდან დააფარეთ კიდევ სხვა ქსოვილი. ასე დატოვეთ 10 წუთი. ის ახალივით იპრიალებს.

4. ძმარი.

ლაქების და ფეხსაცმლის ზედაპირზე გამოსული ე.წ მარილები შეგიძლიათ მოაცილოთ ძმრისა და წყლის ხსნარით. (პროპორცია: 1 სუფრის კოვზი ძმარი 1 ჭიქა თბილ წყალთან). დაასველეთ ქსოვილი ან ფუნჯი ხსნარში და კარგად გაწმინდეთ ფეხსაცმელი.