2021 წლის 24 აგვისტო / ფოტო: ზელენსკის ფეისბუქ-გვერდიდან

"ვახტანგ კიკაბიძე.

მეგობარი, რომელიც ყოველთვის ჩვენთან იყო.
დიადი ერის დიადი კაცი. ლეგენდა, რომელსაც ყველა ვუყურებდით.
ნათელი ხსოვნა ხელოვანს და სამძიმარი მის ახლობლებს".

ასე ეხმიანება ვოლოდიმირ ზელენსკი ბუბა კიკაბიძის გარდაცვალებას და მასთან გადაღებულ ფოტოს აქვეყნებს.

ცნობილი ქართველი ტელემსახიობი და მომღერალი ბუბა კიკაბიძე, დღეს გარდაიცვალა. ის 84 წლის იყო.

2021 წლის 24 აგვისტოს ვოლოდიმირ ზელენსკიმ, უკრაინის 30-ე დამოუკიდებლობის წლის აღსანიშნავ ღონისძიებაზე, ბუბა კიკაბიძე სახელმწიფო ორდენით (იაროსლავ ბრძენის მეხუთე ხარისხის ორდენი) დააჯილდოვა.