ძველ რომში დამნაშავეების სიკვდილით დასჯის ერთ-ერთი ხერხი იყო სიკვდილმისჯილის შეშვება კოლიზეუმის არენაზე ლომებთან და ვეფხვებთან ერთად.

ერთხელ იმპერატორ გალიენუსის ცოლს ვაჭარმა ყალბი ძვირფასეულობა მიჰყიდა. ვაჭრის ტყუილი მალევე გამოაშკარავდა და გალიენუსმა მას სიკვდილი მიუსაჯა.

როცა ვაჭარი კოლიზეუმის ცენტრში დააყენეს, არენაზე გამოუშვეს ქათმები. არენაზე ლომების ნაცვლად ქათმების გამოშვებამ დიდი ოვაციები და სიცილი გამოიწვია.

გალიენუსი წამოდგა და ვაჭარს მიმართა: "ტყუილის გამო ტყუილითვე დაისაჯე". ვაჭარი იმ დღესვე გაათავისუფლეს.

გალიენუსი რომის იმპერატორი თავის მამასთან, ვალერიანესთან ერთად 253–260 წლებში, ხოლო დამოუკიდებლად 260–268 წლებში იყო.

მან იმპერიის კონტროლი მაშინ ჩაიბარამ როდესაც რომი დიდ კრიზისს განიცდიდა. მიუხედავად იმისა, რომ გალიენუსმა მრავალი სამხედრო გამარჯვება მოიპოვა, ის უძლური იყო, შეეჩერებინა მისი სამფლობელოს დიდ ნაწილი გამოყოფოდა რომის იმპერიას.