საზოგადოება ,,ევროვიზიაზე სრულიად პროვინციალური, გულისამრევად ცუდი და ქაჯური ნომრით წარვდექით" 2019, 15 მაისი, 10:45 სამაუწყებლო კომპანია “რუთავი 2"-ის გენერალური დირექტორი ნიკა გვარამია, ფეისბუქის საკუთარ გვერდზე, “ევროვიზიაზე" ქართველი კონკურსანტის ოთო ნემსაძის გამოსვლას ეხმაურება: “ამასობაში, ევროვიზიაზე მორიგ ჯერზე “გავპაზორდით”. სრულიად პროვინციალური, გულისამრევად ცუდი (მუსიკალურადაც და კონცეპტუალურადაც) და ქაჯური ნომრით წარვდექით. თან უკვე მერამდენედ ვაჩვენებთ სრულიად ფარჩაკ სახეს მსოფლიოს. და მერამდენედ ვერ გადავდივართ ფინალში. ამ დროს, გამორჩეული მუსიკის ქვეყანა ვართ, დანამდვილებით. თან ავთენტური, თან ძალიან ევროპული მუსიკის. და ამათ ცუდი მუსიკის და გოიმური ჰარმონიების ბღავილი გონიათ ავთენტურობა. ერთი ცესკოს თავმჯდომარეა სამარცხვინო ბოძზე გასაკრავი და მეორე ამ საშინელებებს ვინც აგზავნის და პირდაპირი მნიშვნელობით ქვეყანას არცხვენს ყველაზე მრავალრიცხოვან საერთაშორისო ფორუმზე - ის!", - წერს ნიკა გვარამია. ოთო ნემსაძე ევროვიზიის პირველი ნახევარფინალიდან ფინალში ვერ მოხვდა. 462 შეფასება არ არის
|