სხვა 12 საშობაო ტრადიცია მთელი მსოფლიოდან,რომლებიც გაგაკვირვებენ 2018, 21 დეკემბერი, 16:10 პრინციპში, ტრადიციებს ერთი რამ ახასიათებთ - გააკვირვონ ყველა, იმ ადამიანების გარდა, რომლებიც მათ იცავენ. მართლაც, როგორ გაგაკვირვებს ის, რასაც ბავშვობიდან მიეჩვიე და ასრულებ? მოდი, ერთად გადავხედოთ მთელი მსოფლიოდან შეკრებილ წინასაახალწლო ტრადიციებს. იაპონია 70-იან წლებში იაპონიაში KFC-ს ქსელი რეკლამას უკეთებდა შემწვარ ქათამს, როგორც ტრადიციულ საახალწლო კერძს. მას შემდეგ იაპონიაში საახალწლო ვახშამზე აუცილებელ კერძად ითვლება KFC-ს ქათამი. არგენტინა არგენტინაში ოჯახის დიასახლისი სხვა ქალებს ვარდისფერ ქვედა საცვალს ჩუქნის, რომელიც ახალი წლის ღამით უნდა ჩაიცვან, რომ სიყვარული იპოვონ. ესტონეთი მას შემდეგ, რაც წინასაახალწლო სამზადისი მორჩება, ახალი წლის ღამის წინ ესტონეთში საუნაში წასვლაა მიღებული. ჩეხეთი ჩეხი გასათხოვარი გოგოები ფეხსაცმელს მხარს უკან ისვრიან, უახლოესი კარის მიმართულებით. თუ ფეხსაცმელი ჭვინტით კარისკენ დაეცა, იმ წელს გოგო გათხოვდება. ესპანეთი ტიო დე ნადალი - ხის მორი მოღიმარი სახით და წითელი ქუდით. მას კატალონიური სანტა კლაუსიც შეიძლება ვუწოდოთ. ტრადიციის თანახმად, მასზე ბავშვებმა უნდა იზრუნონ 8 დეკემბრიდან შობის ღამემდე. მას ნაჭრებით რთავენ და ტკბილეულით უმასპინძლდებიან, შემდეგ კი ტიო დე ნადალი საჩუქრებს “შვრება". ინდოეთი ინდოეთში ბანანის ან მანგოს ხის მორთვაა მიღებული, რადგან წიწვოვანი მცენარეები იქ ნაკლებადაა. საფრანგეთი 13 დესერტი - პროვანსში მიღებული ტრადიციაა, რაც სიმბოლურად იესოს და მის 12 მოწაფეს უკავშირდება. ყველა კერძი აუცილებლად შობაზე უნდა შეიჭამოს. შვედეთი შვედეთის ქალაქ ევლეში, 60-იანი წლებიდან მოყოლებული, უზარმაზარ თხას აკეთებენ თივისგან და შემდეგ წვავენ. მექსიკა მექსიკის ქალაქ ოაჰაკაში ბოლოკის ღამე აღინიშნება, როცა ქალაქის მცხოვრებლები ბოლოკისგან სხვადასხვა ფიგურებს ჭრიან. ლათინური ამერიკა ლათინური ამერიკის ბევრ ქვეყანაში საჩუქრები სანტა-კლაუსს კი არა, პატარა იესოს მოაქვს. ავსტრია, გერმანია, ჩეხეთი, უნგრეთი და სლოვენია კრამპუსი -ცენტრალურ ევროპაში ცნობილი პერსონაჟია. ის საშიში არსებაა, სანტა-კლაუსის ანტიპოდი. ევროპის ბევრ ქალაქში კარნავალებიც კი ტარდება, რომლის დროსაც დემონებად გადაცმული ადამიანები ავსებენ ქუჩებს. კოლუმბია ნოვენნა - ძველი კოლუმბიური ტრადიციაა, რომლის თანახმადაც, 16 დეკემბრიდან მოყოლებული, ადამიანები 9 დღეს ლოცულობენ. ლოცვების დასრულების შემდეგ გულუხვი და გემრიელი ვახშამი იმართება. 429 შეფასება არ არის
|