Smart casual («სმარტ კეჟუალი» – «ყოველდღიური დახვეწილი») სტილი საუკეთესო არჩევანია მათთვის, ვისაც საათობით სამოსის შერჩევა და სარკის წინ ტრიალი არ უყვართ. მაგრამ, ამავდროულად, ძალიან მოსწონთ კომფორტული და დახვეწილი სამოსი – უბრალო თარგით, არასტანდარტული შეხამებით და უჩვეულო აქსესუარებით. ამ სტილს ბევრი მიმდევარი ჰყავს და ამიტომ, ძალიან ძნელია რაღაც განსხვავებულის მოფიქრება და ხალხის საერთო მასისგან გამორჩევა. განსაკუთრებით იმ შემთხვევაში, თუ ადამიანი დიდ ქალაქში ცხოვრობს. რთულია, ჩვეულებრივი ადამიანისთვის, მაგრამ ემი ჯექსონი, ბლოგერი ამერიკიდან (ბლოგი «Fashion Jackson»), ამას მარტივად ახერხებს.

ემი 10 წელზე მეტ ხანს მოდის ინდუსტრიაში მუშაობდა და ამიტომ, კარგად ერკვევა ყოველდღიური სტილის სამოსის საბაზო გარდერობის შექმნის წესებში. სამოსის მისეული დაკომპლექტების სტილი, შეგვიძლია კანონიკურადაც მივიჩნიოთ, დავიმახსოვროთ და ახალი აქსესუარებით შევავსოთ.

ემის სტილი ცოცხალი და არაპროგნოზირებადია. მასში არ არის გამომწვევი მოდელები და კაშკაშა ფერები. სამაგიეროდ, ბევრია თეთრი, შავი, ბეჟი და წითელი. არის ჯინსის და კლასიკური შარვლები, ბლუზები და პერანგები, დახურული და ღია მხრებით.

ემის სტილის გამეორება რთული არ არის და მისი პოპულარობის საიდუმლო სწორედ ეს არის. ის ერთმანეთ თავისი საყვარელი ბრენდების — Christian Louboutin, Givenchy, Celine სამოს უხამებს. თუმცა, ეს იმას არ ნიშნავს, რომ ყველამ აუცილებლად ასეთი ძვირადღირებული ტანსაცმელი უნდა შეიძინოს. არსებობს უფრო ხელმისაწვდომი მარკები და მასმარკეტები, სადაც კარგი ხარისხის ტანსაცმლის შეძენა შეიძლება.

2018 წლის ყველაზე მოდური ვარცხნილობა