ქართული ტელესივრცის სახე, მოდელი, მსახიობი და ტელეწამყვანი შორენა ბეგაშვილი იუბილარია. მსახიობს 36 წელი შეუსრულდა და როგორც ყველა შოუბიზნესის წარმომადგენელმა, მანაც, მცხეთაში უახლოესი მეგობრების გარემოცვაში, ოჯახის წევრებთან ( დედა, და ლელა და ქალიშვილი ევა ), ასევე შოუბიზნესის სხვადასხვა სფეროს წარმომადგენლებთან ერთად აღნიშნა იუბილე. ტელეწამყვანი, როგორც ყოველთვის, ძალიან სექსუალურად გამოიყურებოდა, რომელსაც თეთრი ფერის სადღესასწაულო კაბა ეცვა.არანაკლებ საინტერესოდ და საყვარლად გამოიყურებოდა შორენა ბეგაშვილის 16 წლის ქალიშვილი ევა ბარბაქაძე, რომელმაც მოგეხსენებათ, რამდენიმე წლის წინ მძიმე დაზიანებები მიიღო და გოგონა დღესაც ხელჯოხებით გადაადგილდება.

თუმცა ბებოსთან და საყვარელ დეიდასთან, ლელა ბეგაშვილთან ერთად გადაღებულ სურათზე ევას პრობლემების არაფერი ეტყობა.
წლების წინ კი, როცა ევა აბსოლუტურად ჯანმრთელად იყო, საოცრად ლამაზი და დედაზე უფრო მიმზიდველი გახლდათ, რასაც ხშირად აღნიშნავდნენ სოციალურ ქსელში დედა–შვილის თაყვანისმცემლები.სოციალურ ქსელში გავრცელებულ დაბადების დღის ფოტოებს გულშემატკივრების მთელი არმიის სასიამოვნო კომენტარები მოჰყვა. აი, რას წერენ სექსსიმბოლოს ინტერნეტში; - "ულამაზესი გენი გაქვთ“, „შეუდარებელი ქალბატონები“, „გამრავლოთ ღმერთმა“, "შორე შენ ქართული ტელესივრცის სახე ხარ და მიყვარხარ", "ევა უსაყვარლესია", "დედაც რა საყვარელი ჰყოლია შორენას" და ა. შ. თუმცა როგორც ყოველთვის, არიან ისეთებიც, რომლებიც ქილიკს არ აკლებენ სურათებს. მაგალითად, ერთ–ერთი მომხმარებელი ევას ფოტოზე წერს; - "დაგეწვა ევა წითელი კედები, და ცოტა კიდევ გაადიდე სიგრზე სიგანეში მკერდზე ნახეთქი" ან კიდევ "ევას რა ბანძურად აცვია. შოკამ რა უთხრა ნეტავ?" და ა. შ.
მიუხედავად ყველაფრისა, შორენა ბეგაშვილი თავს ბედნიერად და მხიარულად გრძნობს საყვარელი ხალხის გარემოცვაში.

რაც შეეხება დაბადების დღის ტორტსა და უზარმაზარ ფოიერვერკებს, ტორტი მსახიობმა საყვარელ მამაკაცთან, ირაკლი ნანაძესთან ერთად გაჭრა, ხოლო ფოიერვერკები, რაზეც შორენამ როგორც ჩანს, არაფერი იცოდა, სიურპრიზი აღმოჩნდა სექსსიმბოლოსთვის.
დაბადების დღე ვარსკვლავს საყვარელმა მამაკაცმა, ირაკლი ნანაძემ გადაუხადა.