გასაოცარი და სასიამოვნო შემთხვევა მოხდა გუშინ ოდესის დელფინარიუმში: მდედრი დელფინი უშუალოდ წარმოდგენის დროს გახდა დედა. მაყურებლები ახლადდაბადებულ პატარას აპლოდისმენტებით შეხვდნენ.

ძნელი სათქმელია, თუ რატომ მიაღებინეს შოუში მონაწილეობა მშობიარობის პირას მისულ დელფინს, მაგრამ ფაქტი ფაქტად რჩება: შუა წარმოდგენის დროს მომავალი დედა ჯგუფს გამოეყო და აუზში წრიული მოძრაობა დაიწყო.

ცოტაოდენი ხნის შემდეგ მაყურებლებმა შეამჩნიეს, რომ დელფინის გვერდით წყალი წითლად შეიღება და უცნაური შავი ლაქა გაჩნდა. რამდენიმე წამის შემდეგ კი ახალშობილმა დელფინმა უკვე დედის გვერდით დაიწყო ცურვა.

სასიამოვნო მოვლენის შესახებ წარმოდგენის წამყვანმა მიკროფონში გამოაცხადა. მაყურებლები მხურვალე ტაშით შეხვდენ ახალი სიცოცხლის მოვლინებას.