საქართველოდან ყოველდღიურად თურქეთში ათეულობით ადამიანი გადადის მედიკამენტების შესაძენად. ამის მიზეზი ისაა, რომ საქართველოში წამალი გაცილებით ძვირია, ვიდრე თურქეთში.

მოქალაქეების თქმით, ამას კიდევ ერთი განსაკუთრებული მიზეზი აქვს, საქართველოში ნაყიდი წამლები უხარისხო და არაეფექტურია. მიუხედავად ამისა, საქართველოში, ჯერჯერობით, არავინ იკვლევს ამ საკითხს და არც ზუსტი სტატისტიკაა ცნობილი, თუ რამდენი ადამიანი გადადის მედიკამენტების შესაძენად თურქეთში.

.

“წამლები, რომელშიც ჩემს ქვეყანაში 187 ლარი უნდა გადამეხადა ისიც საეჭვო ფასდაკლებით, თურქეთში ვიყიდე 63 ლარად ყველა ერთად! ამასთან ზუსტად ვიცი, რომ ცარცი და სხვა ნივთიერება არ შემრჩება ხელში, აქედან ერთ-ერთი 7 ლარი ღირდა, როცა ჩვენს სააფთიაქო ქსელში 58 ლარი ღირს, მესმის გააორმაგო, მაგრამ გააათმაგო?” – ბათუმში მცხოვრები კობა ფარტენაძე ფეისბუქზე ამ შინაარსის პოსტს აქვეყნებს და ილუსტრაციად თურქეთში ნაყიდი წამლების ფოტოს ურთავს.