ამ რეცეპტით კრუასანი ძალიან რბილი და ფუმფულა გამოდის. ის ზომიერად ტკბილია და რადგან ცომი დიდი რაოდენობით შაქარს არ შეიცავს, მისი გამოყენება როგორც ტკბილი, ისე სხვა სახის გულსართიანი ღვეზელის ცხობისას შეიძლება.

ინგრედიენტები:
თბილი რძე — 0, 5 ლ.

ფქვილი — 1 კგ.

კვერცხი — 4 ცალი

საფუარი — 20 გრ.

მარილი — 2 ჩ. კ.

შაქარი — 3 ს. კ.

კარაქი — 150 გრ.

ზეთი — 50 გრ.

ჯემი — გულსართისთვის

კვერცხის გული — 1 ცალი

ვანილი — 0, 5 გრ.

მომზადება:

1. რძეში ჩაყარეთ საფუარი და გააჩერეთ ცოტა ხანი > დაამატეთ: მარილი, შაქარი, კვერცხი > ათქვიფეთ ბლენდერით ან მიქსერით.

2. მიღებული თხევადი მასა გააჩერეთ თბილ ადგილზე 15 წუთი.

3. თასში გაცერით ფქვილი და ჩაასხით თხევადი მასა.

4. მოზილეთ ცომი > ცომის ზელვის დროს, ჯერ დაამატეთ გამდნარი კარაქი, ხოლო შემდეგ ზეთი > დაამატეთ ცოტა ფქვილი (1-2 ს. კ.), რომ უკეთესად მოიზილოს.

5. ამის შემდეგ, ცომი შეგიძლიათ პურის საცხობში მოათავსოთ (რეჟიმი ცომი –1 სთ. 30 წთ.) ან ცომის მოზელვა გააგრძელოთ.
6. ცომის ხელით მოზელვის შემთხვევაში, სამზარეულოს აპკი გადააკარით და 1 სთ. თბილ ადგილზე დადგით.
7. ამის შემდეგ, გუნდებად დაყავით და შეგიძლიათ ისეთი კრუასანები გააკეთოთ როგორიც ფოტოზეა ან სხვა ფორმა მისცეთ.

8. გამზადებული კრუასანები ცხიმწასმულ საცხობ ფირფიტაზე დააწყეთ და თბილ ადგილზე 40-50 წუთი გააჩერეთ.

9. კვერცხის გულს შეურიეთ ვანილი და ცოტა რძე > გადაუსვით ზემოდან კრუასანებს.

10. გამოაცხვეთ 180 გრადუსზე გაცხელებულ აირღუმელში.

თქვენთვის ასევე საინტერესო იქნება:
ყველის ღვეზელი «პიკანტური»

ღვეზელი «5 წუთიანი» (საფუარიანი ცომი, რომლის ცხობა მოზელვისთანავე შეიძლება)

საფუარიანი ცომი ტკბილი ცხობისთვის