როგორც რუსული ტაბლოიდები იუწყებიან, ცნობილი სექს-სიმბოლო ანფისა ჩეხოვა, რომელიც მაისის ბოლოს თავის ქართველ ბოიფრენდთან ერთად ვაჟის სოლომონის დედა გახდა, გულისსწორთან ურთიერთობის ოფიციალურად გაფორმებას ჯერაც არ ჩქარობს. ანფისა, რომელიც ორსულობის დროსაც შესანიშნავად გამოიყურებოდა, მშობიარობიდან ძალიან მალე გამოჩნდა სხვადასხვა მიღებებსა და საღამოებზე. ამასთან ერთად, პოსტ-სამშობიარო პერიოდის კვალობაზე იგი შესანიშნავად გამოიყურება. რაც შეეხება ნოდართან ურთიერთობის დაკანონებას, როგორც ჩანს წყვილი ამის გარეშეც შესანიშნავად ტკბება სრული ოჯახური იდილიით პატარა სოლომონთან ერთად.