1928 წელის 28 თებერვალს, ქალაქ თბილისში დაიბადა დიდი ქართველი მსახიობი რამაზ ჩხიკვაძე, სსრკ სახალხო არტისტი, საბჭოთა კავშირის სახელმწიფო, რუსთაველის და მარჯანიშვილის პრემიების ლაურეატი. დაჯილდოებულია ლენინის ორდენით, „საპატიო ნიშნის“ ორდენითა და მედლებით.1997 წელს აირჩიეს თბილისის საპატიო მოქალაქედ, ამის გარდა დაჯიდლოებულია ღირსები ორდენით და სანდრო ახმეტელის სახელობის პრემიით.

დაიბადა ცნობილი მუსიკათმცოდნის, გრიგოლ ჩხიკვაძის ოჯახში. 1951 წელს დაამთავრა რუსთაველის სახელობის სახელმწიფო თეატრალური ინსტიტუტის სამსახიობო ფაკულტეტი (მ. თუმანიშვილის მოწაფე). ამავე წლიდან რუსთაველის თეატრის მსახიობია, თუმცა მანამდე ორჯერ კინაღამ მიატოვა ინსტიტუტი და საოპერო, ვოკალურ ხელოვნებაში გადაინაცვლა, სანამ მიხეილ თუმანიშვილმა არ ათამაშა ”ესპანელ მღვდელში”, ამის შემდეგ შემდეგ უამრავ შთამბეჭდავი როლი შეასრულა რამაზ ჩხიკვაძემ თეატრსა თუ კინოში.

მძიმედ დაავადებული რამაზ ჩხიკვაძე გარდაიცვალა 2011 წლის 17 ოქტომბერს თბილისში, მისი მეუღლის ნატაშას გარდაცვალებიდან 50 დღის შემდეგ, დაკრძალულია მეუღლის გვერდით-დიდუბის მწერალთა და საზოგადო მოღვაწეთა პანთეონში.